14 sáýirde Premer-Mınıstr Kárim Másimov Qazaqstan Respýblıkasynda 2011-2015 jylǵa deıin densaýlyq saqtaýdy damytýdyń “Salamatty Qazaqstan” memlekettik baǵdarlamasynyń jobasyn talqylaýǵa arnalǵan keńes ótkizdi, dep habarlady Premer-Mınıstrdiń baspasóz qyzmeti.
Qazirgi tańda basty maqsaty Qazaqstan azamattarynyń densaýlyqtaryn nyǵaıtý úshin jaǵdaılar jasaý bolyp tabylatyn baǵdarlama jobasy memlekettik organdardyń, respýblıkalyq jáne medısınalyq uıymdardyń, sondaı-aq basqa da medısına qaýymdastyqtary ókilderiniń qatysýymen talqylaýdan ótýde.
K.Másimov Densaýlyq saqtaý mınıstrligine memlekettik baǵdarlama jobasyn jurtshylyq arasynda keńinen talqylaýdy uıymdastyryp, aıtylǵan syn eskertpeler men engizilgen usynystardy eskere otyryp qujatty jetildire túsýdi tapsyrdy.