Venada qantógis oryn aldy. Terrorshylar Avstrııa astanasyna alty jerden shabýyl jasaǵan, dep habarlaıdy Egemen.kz
Oqıǵa 2 qarasha keshke oryn alǵan. Jergilikti ýaqyt boıynsha saǵat 20:00-de oq atyldy. Qarýlanǵan belgisiz adamdar sınagoga, meıramhanalar jáne evreıler ortalyǵy ornalasqan - halyq shoǵyrlanǵan aýdanǵa shabýyl jasady.
Shabýyl saldarynan eki adam - er adam jáne áıel qaıtys boldy. 15 adam jaraqat aldy, onyń jeteýiniń jaǵdaıy aýyr. Onyń bireýi - polısııa qyzmetkeri.
"Mundaı qylmystan keıin, er adam óltirilgennen keıin áıel adam qaıtys boldy. Iаǵnı eki adam zardap shekti. On bes adam aýrýhanaǵa jetkizildi. Jeti adam aýyr jaǵdaıda jatyr. Olar tezirek jazylady degen úmittemin", dedi Vena býrgomıstri Veny Mıhael Lıýdvıg.
Terrorshylardyń bireýi vıdeoǵa túsip qaldy. Aldyn ala málimetter boıynsha eki adam oq atqan bolýy múmkin.
Avstrııa kansleri Sebastıan Kýrs Venadaǵy shabýyldy "sumdyq terakt" dep atady.
"Bir qylmysker ustaldy, qalǵandary qashqynda. Qazirgi málimetterge súıensek, olar aldyn ala jaqsy daıyndalǵan jáne qarýy kóp. Bul - terakt. Men qaýipti tezirek joıyp, erteń qoǵamdyq ómirdi qaıta qalpyna keltire alamyz degen úmittemin. Olardyń qalaýy týraly ázirge eshteńe aıta almaımyz, biraq terakt bastalǵan jerge qarap, antısemıt maqsatta bolǵan terakt degen nusqany da joqqa shyǵara almaımyz", dedi Avstrııa kansleri.