Azamattyq avıasııa komıteti Túrkistan qalasynyń áýejaıyna turaqty reıster ashý boıynsha jumys júrgizýde, dep habarlaıdy Egemen.kz IIDM baspasóz qyzmetine silteme jasap.
Bastapqy kezeńde Nur-Sultan jáne Almaty qalalarynan Túrkistanǵa kún saıyn reıster oryndaý josparlanyp otyr. Reısterdi 3 qazaqstandyq "Fly Arystan", "SCAT" jáne "Qazaq Air" áýe kompanııalary oryndaıdy.
Sonymen búginnen bastap "Fly Arystan" áýe kompanııasy joǵaryda kórsetilgen baǵyttar boıynsha áýe bıletterdi satýdy bastady. "Fly Arystan" reısterine áýe bıletterdiń baǵasy Nur-Sultan jáne Túrkistan qalalary arasynda 6999 teńgeden jáne Almaty men Túrkistan qalalary arasynda 5999 teńgeden bastalady.
Nur-Sultan – Túrkistan – Nur-Sultan baǵyty boıynsha alǵashqy reıs 2020 jyldyń 1 jeltoqsanynda oryndalady.