Konsert ótkizgender aıyppul tóledi

Negizinde uıymdas­ty­rý­shy­­lar bar­lyq karantındik ta­lapty qatań saq­taı otyryp onlaın jobanyń jabylý saltanatyn oflaın rejimde ótki­zýge sheshim qabyldaǵan eken. Osylaısha araqashyqtyq saq­talǵan, tek kólik ishin­de oty­ryp tamashalaıtyn is shara dep josparlanǵan. Alaıda bul ta­lap saq­tal­mady.

Jýyrda Shymkent qalasy Bas mem­le­kettik sanıtarlyq dárigeri Ábdi­manap Túlebaev­tyń jańa qaýlysy ja­rııa­­lan­dy. Onda qaladaǵy karan­tın men shekteý sharalary 9 qarasha saǵat 00:00-ge de­ıin uzartylǵany jazylǵan. Qaýlyda «Kórmeler, oıyn-saýyq, sport­tyq, otbasylyq, salta­natty es­te­lik is-shara­lar­dy, forýmdardy, kon­fe­rensııalardy, semınarlardy jáne adam kóp jınalatyn ózge de is-shara­lardy qoǵamdyq oryndarda, onyń ishinde úıde ótkizýge tyıym salynsyn», dep kórsetilgen.

Atalǵan konserttiń vıdeo­sy áleý­mettik jelide taralysymyn, el-jurt tótenshe jaǵdaı kezinde karan­tın talaptaryn óreskel buzǵan uıym­das­tyrýshylardy syn­ǵa aldy. «Karan­tın ýaqy­tyn­da mynaý ne konsert? Ippodromda ulttyq sporttan ótetin týr­nırge ruqsat bermeı, dańǵaza reper­lerdi taırańdatqandaryń qalaı? Ult­tyq qundylyǵymyz jo­ǵalyp, ornyn #uhack basqan zaman-aı», dep jazdy qala turǵyny Maqsat Shaǵyrbaev.

Endi bir top jas atalǵan sha­ranyń qalaǵa paıdasy mol joba ekenin maq­tap, halyqtyń mádenıetin synǵa aldy. «...Qa­laısha, sizder, ákimdik pen uıym­­das­tyrýshylardy kiná­laı alasyzdar? Olar jaǵynan ba­r­lyǵy jaqsy uıym­­das­ty­rylyp, jurtqa múm­kin­dik bere aldy. Bul jerde kináli – tek halyq mádenıeti. Jeke basym sol kon­sertke qatystym. Konsepsııa boıyn­sha barlyǵy kólikterinde otyryp, radıo­laryn qosyp, tyńdap otyrýlary qajet edi. Shymkenttiń jastaryn jaman­daıyn desem, ózime tıedi. Alaıda shyny kerek – jabaıymyz», dep ashyndy «U:hack» qatysýshy Elnur Dúısenbekov.

Deıturǵanmen jastardyń «Uprojects» jobasyna Shym­kent qala­sy­nyń ákimi Murat Áıtenov tikeleı qoldaý kór­setip, onlaın sharanyń beınebaıanyna túsip, sáttilik tile­gen eken. Sondaı-aq jek­­sen­bide ótken keshkilik dýman­ǵa Shymkent qalalyq po­lısııa departamentiniń qyz­met­ker­le­ri, jedel járdem kólik­te­ri shaqyrtylǵan.

«Qalada jedel járdem kóligi jetis­peı jatqan shaq­ta qaıdaǵy bir konsertke qyz­met­tik kólikti ustap otyrý ­qanshalyqty zańdy? Al kóshelerdegi keptelisti retteýi tıis polısııa qyz­met­ker­leri bul konsertte ne istep júr?», deıdi medısına salasynyń mamany Gúldana Talǵatqyzy.

Negizinde «Uprojects» qo­ǵam­dyq birlestigi konsert ót­kizýge arnaıy ruq­sat al­ma­ǵan jaǵdaıda quqyq qor­ǵaý qyzmetkerleri bul jıyndy toq­tatar edi. Biraq kesh­ki­lik dýman uzaqqa sozylyp, qorytyndylanǵan.

Biz osy másele boıyn­sha qa­lalyq Polı­sııa depar­ta­mentiniń ókilderine habar­las­qan edik.

«Halyq arasynda koronavırýs ınfeksııasynyń taralýyna jol bermeý maqsa­tyn­da Shymkent qalasy Bas memlekettik sanıtarlyq dári­ge­riniń №41 qaýlysyna sáıkes karantındik rejim uzartylǵan. Alaıda kórsetilgen shekteýlerge qaramastan, karantın talaptaryn óreskel buzyp, 2020 jyldyń 1 qarashasynda Báıdibek bı dańǵyly boıynda ornalasqan «Naýryz» alań­yn­da «Uprojects» qoǵamdyq bir­les­ti­gi «U:hack» festıvalin saqtyq shara­la­ryn eskerýsiz uıymdastyryp, azamat­tardyń avtokólikterinen shyǵyp, alańǵa jınalýyna jol bergen. Osyǵan baılanysty atalǵan uıymnyń basshysyna ÁQBtK-niń 425 babymen shara qoldaný úshin jınaqtalǵan qujattar Ál-Farabı aýdany Taýarlar men kór­setile­tin qyzmetterdiń sapasy men qa­ýip­sizdigin baqylaý bas­qar­ma­syna jol­dandy», deıdi Shym­kent qalalyq Po­lısııa depar­ta­mentiniń baspasóz hatshysy Rábıǵa Júnis.

Kóp uzamaı «Uprojects» qo­ǵam­dyq birlestiginiń jetek­shisi Toqtar Álimbe­kov óziniń áleýmettik jelide­gi paraq­sha­­synda joba qorytyndysy bo­ıyn­sha oıymen bólisti.

«Barlyq karantındik sharalardy qatań saqtaı otyryp jabylý salta­na­tyn oflaın rejimde ótkizýge she­shim qabyldadyq. Bizdiń komanda qonaqtarǵa qazirgi kezde álemniń bar­­lyq derlik astanalarynda qatań ere­­jeler­men ótkiziletin, adamdar ara­­syn­daǵy baılanysty azaıta otyryp, mara­pattaý rásimin avtomobıl kıno­teat­­ry stılinde ótkizý arqyly barlyq qolaıly jaǵdaılardy jasaýǵa tyrysty. Alaıda is-shara sońyna taıaǵan sátte azdaǵan adam mýzykalyq kesh­tiń atmos­ferasyna, ishtegi emosııaǵa beri­lip, kólikterinen eriksiz shyǵyp ketti. Biz birden tekserip toqtata alma­dyq. Sol úshin aıyppul tólep te úlger­dik», dedi ol.

О́kinishtisi, jaz basynda jergilikti bı­liktiń salǵyrt­ty­ǵy­nan tótenshe jaǵ­daı kezinde qanshama turǵyn jaqyn­da­rynan aıyryldy. Osyǵan baı­lanysty Prezıdent Qasym-Jomart Toqaev qala ákimi Murat Áıtenovke sógis ja­rııa­la­ǵan edi. Al endi osyndaı kóp­­shilik sharalarǵa qala ákimdigi der kezinde tyıym sal­masa, bas sanıtardyń qaýly­sy­na qulaq aspasa, máseleniń sońy ýshyǵyp ketpesine kim kepil?

Ázirge elde toı toılaıtyn emes, ómirdi qalaı saqtap qalý týraly oılanatyn kezeń. Se­be­bi búgin toptasyp konsertke qa­tysqan jurttyń barlyǵy test synaǵynan ótkenine esh­kim jaýap bere almaıdy. Son­dyqtan kez kelgen turǵyn saqtyq sharalaryn barynsha kúsheıtip, úıde bolýy kerek.

ShYMKENT