Qazaqstan Prezıdenti Nursultan Nazarbaev Qyrǵyzstandaǵy ahýaldy AQSh-tyń jáne Reseıdiń basshylary Barak Obamamen jáne Dmıtrıı Medvedevpen, sondaı-aq halyqaralyq uıymdardyń ókilderimen talqylady. Kezdesýlerde bul elde qalyptasyp otyrǵan jaǵdaıǵa baılanysty alańdaýshylyq bildirilip, qaqtyǵysty beıbit sheshý qajettigi atap kórsetildi.Qazaqstan kóshbasshysynyń Qyrǵyzstandaǵy ahýaldy qalypqa keltirýdegi halyqaralyq qoǵamdastyqtyń úılestirýshilik rólin kúsheıtý týraly usynysy qoldaý taýyp, kórshi eldegi jaǵdaıdy retteýdegi Nursultan Nazarbaevtyń erekshe róli atap ótildi.
Qazaqstan Prezıdenti sondaı-aq Qyrǵyzstandaǵy taıtalasýshy taraptardyń ókilderimen telefon arqyly sóılesip, olardy qaqtyǵysty qyrǵyz halqynyń múddesi turǵysynan kelissózder men saıası únqatysý jolymen sheshýge shaqyrdy, dep habarlady Qazaqstan Respýblıkasy Prezıdentiniń baspasóz qyzmeti.