Aqtóbe oblysynyń polısııa qyzmetkerleri ishki ister organdarynda tirkelmegen tegis uńǵyly qarýdy zańsyz saqtaǵan jáne alyp júrgen 77 azamatty ákimshilik jaýapkershilikke tartty dep habarlaıdy Egemen.kz.
Sondaı-aq bıylǵy jyldyń 10 aıynyń qorytyndysy boıynsha qarý aınalymy salasyndaǵy zańnamany buzǵany úshin 777 azamattyq qarý ıesi ákimshilik jaýapkershilikke tartyldy. Munymen qatar qarý saqtaý erejeleriniń 504 ret buzylǵan deregi jáne qarýdy tirkeý (qaıta tirkeý) erejelerin buzǵan 273 derek tirkeldi. Aqtóbe oblystyq polısııa departamentiniń basshysy Arystan Atyǵaevtyń habarlaýynsha, budan basqa zańsyz aınalymnan 106 birlik qarý alyndy (onyń ishinde oıyq – 4, tegis uńǵyly – 92, gazdy – 1, travmatıkalyq – 3, pnevmatıkalyq – 5, sıgnaldyq-1).
Osylaısha qańtar-qazan aıynyń ishinde Aqtóbe oblysynyń azamattary jalpy somasy 3 mıllıon 555 myń teńgeni quraıtyn 63 birlik (oıyq – 5, tegis uńǵyly – 56, travmatıkalyq – 2) atys qarýyn jáne oıyq uńǵyly qarýǵa arnalǵan 517 patrondy polısııaǵa óz erikterimen kelip tapsyrǵan.