Eýropada koronavırýspen aýyrǵandar sany kóbeıýine baılanysty birqatar memleket tıisti shekteý sharalaryn qaıta kúsheıtti, - dep habarlaıdy Egemen.kz
Grekııada qatań karantındik shekteýler engizildi, azamattarǵa uıaly telefon arqyly resmı suraý salý arqyly ruqsat alǵannan keıin ǵana úıden shyǵýǵa ruqsat etiledi. Elde tek azyq-túlik dúkenderi men dárihanalar jumys isteıdi. Qorǵanys maskasyz júrgenderge salynatyn aıyppul mólsheri 150-den 300 eýroǵa deıin ósti.Fransııada saǵat 22.00 men 06.00 aralyǵynda qatań komendanttyq saǵat qoldanylatyn jańa lokdaýnnyń alǵashqy aptasy aıaqtaldy. Eldiń ońtústigindegi Sent-Etendegi aýrýhanalardyń biri jedel járdem bólimshesiniń syıymdylyǵyn tórt ese arttyrdy jáne basqa aımaqtarǵa jiberiletin naýqastardyń sanyn kóbeıtti. Fransııanyń Densaýlyq saqtaý mınıstrligi COVID-19 taralýynyń shyńy qarasha aıynyń ortasyna keletindigin alǵa tartýda.Polshada barlyq mádenı jáne oıyn-saýyq oryndary jabyq, qonaq úıler tek is-saparmen kelgenderdi qabyldaıdy. El bıligi bul sharalardyń bir apta ishinde nátıje bermese, memlekette tolyq karantın engiziledi dep málimdedi. Varshavadaǵy Ulttyq stadıonda ýaqytsha aýrýhana ashylǵan — ol myńǵa deıin aýyrǵan adamdy qabyldaýǵa múmkinshilik beredi dep kútilýde.Danııa memleketiniń ań fermalarynda mýtasııalanǵan COVID-19 órshýine baılanysty Ulybrıtanııa bul memleketten kelýshilerdiń elge kirýine tyıym saldy. Shekaradan ótýge tek Ulybrıtanııa azamattaryna jáne júk kólikteriniń júrgizýshilerine ruqsat etildi.