Túrkııada koronavırýs juqtyrý jaǵdaılary kóbeıýine baılanysty kópshilik júretin kóshelerde jáne qoǵamdyq kólik aıaldamalarynda temeki shegýge tyıym salyndy. Bul týraly respýblıkanyń IIM nusqaýhatynda aıtylǵan, dep habarlaıdy Egemen.kz Tengrinews.kz saıtyna silteme jasap.
"Osyǵan deıin jarııalanǵan nusqaýhatta barlyq qoǵamdyq jerlerde (turǵyn úılerden basqa) azamattar betperde taǵýǵa mindettelgeni týraly jazylǵan edi. Biraq adamdar temeki shegý úshin betperdesin sheship, ne tómen túsirip tastaıtyn bolǵan, bul degenimiz ony durys taqpaý. Osyǵan baılanysty 12 qarashadan bastap barlyq provınsııada kópshilik oryndarda jáne qoǵamdyq kólik aıaldamalarynda temeki shegýge tyıym salyndy", delingen nusqaýhatta.
"Tynys alý arqyly ońaı juǵatyn koronavırýstyń taratpaý úshin betperde taǵýdy únemi qadaǵalaý qajet" ekeni aıtylady.Osyǵan deıin Densaýlyq saqtaý mınıstri Fahrettın Kodja Túrkııada koronavırýs pandemııasy ekinshi shyńyna jetkenin aıtty. Sársenbide Túrkııada koronavırýs ınfeksııan juqtyrǵandar sany 2693-ke jetti, bul 29 sáýirden bergi eń úlken kórsetkish. Juqtyrǵandardyń jalpy sany 400 myńnan, al qaıtys bolǵandar sany 11 myńnan asty.