ALǴAShQY AKSIIа BASTAÝ ALDY

Astanada Uly Jeńistiń 65 jyldyǵyna arnalǵan merekelik is-sharalardyń alǵashqysy “Uly Jeńis – ardagerler ómirinde” atty aksııa bastaý aldy. Qala ákimdiginde osy sharanyń bastalýyna oraı onyń eki jobasy tanystyryldy. Munda qalalyq ardagerler keńesiniń tóraǵasy Qýanysh Alpysbekov aksııanyń negizgi maqsaty Uly Otan soǵysyn beıneli túrde eske alý ekenin, sondyqtan onyń eki jobasynyń biri ardagerlerdiń fotosessııasyn júrgizýge, al ekin­shisi derekti fılm kórsetýge arna­latynyn aıtty. Onyń aıtýynsha, birinshi jobada qala boıynsha aty-jóni, shaıqasqan jeri men keıingi býynǵa aıtqan sózderi jazylǵan 65 astanalyq ardagerdiń portretteri ilinetin bolady. Ekinshi jobada – “65 jyl – 65 áskerı taǵdyr” atty derekti fılm kórsetiledi. Jeńis kúnine arnalǵan bul fılmge Keńes Odaǵynyń eki márte Batyry Talǵat Bıgeldınov pen Keńes Odaǵynyń Batyry, Halyq Qahar­many Saǵadat Nurmaǵambetov sııaq­ty ardagerler­diń ómiri, soǵysqan jerleri men erlik­terin kórsetý jos­parlanýda. Osy jobany jasa­ǵan­­dardyń biri Gaýhar Jan­seıitova­nyń aıtýynsha, fılm Qazaqstannyń barlyq áskerı bólim­derinde, qala mektep­terindegi ashyq sabaqtarda tele­arna­larda kórsetiledi. Sonymen birge ony Astana qalasynyń resmı saıtynan da (www.astana.kz) kórýge bolady. – Fılmde 30 saǵattyq ma­terıal túsirildi, – dedi ol. – Mun­da Otanǵa qyzmet etýde úlken erlik pen úlgi kórsetken, soǵysta qan keship, ot pen oqqa keýdesin tosqan qaharmandardyń erlikteri kór­setiledi. Sondaı-aq, onda ardager­lerdiń zulmat soǵys pen jaýynger joldastary týraly estelikteri aıtylady. Qazir ardagerlerdiń soǵys pen jeńis týraly aıtqan keleli sózderi beınerolık topta­masymen elimizdiń jetekshi arna­larynda kórsetý josparlanyp otyr. Bul jobaǵa Máskeý men Mınsk basshylyǵy da qyzyǵýshy­lyq tanytýda. Sonymen birge qala ákimdiginde ótken keńeste Uly Jeńistiń 65 jyldyǵyna arnalǵan merekelik is-sharalar tanystyryldy. Onda negizgi aksııalardyń 7-9 mamyr kúnderi ótetini, onyń aldynda Astanadaǵy saltanatqa Qazaq­stan­nyń ózge óńirlerinen ardager­ler keletini habarlandy. Sodan keıin kelesi kúni qalalyq zıratta saǵat 09.00-de soǵysta jaralanyp, qaı­tys bolǵan jaýyngerlerdiń basyna “Dańq gúl shoǵyn” qoıý rásimi, odan keıin saǵat 11.00-de Baýyrjan Momyshuly eskert­kishi­ne gúl shoqtaryn qoıý rásimi, saǵat 15.00-de Táýelsizdik saraıynda saltanat­ty jıyn men merekelik konserttiń bolatyny aıtylyp, osy sharadan soń saǵat 17.00-de Elbasy men Qorǵanys mınıstri atynan Saltanat saraıynda arda­ger­lerdi qabyldaý rásimi ótetini týraly málimet berildi. Kelesi 8 mamyr kúni saǵat 11.00-de “Otan qorǵaý­shylar” monýmentiniń aldynda “Dańq gúl shoqtaryn qoıý” rásimi, teatrlandyrylǵan qoıylym men Qorǵanys mınıstrliginiń ortalyq án-bı ansambliniń konserti, saǵat 12.30-da qala alańdarynda úrmeli orkestr konsertteri ótetini habarlandy. Al 9 mamyr kúni saǵat 10.00-de Táýelsizdik dańǵylyndaǵy “Qazaq eli” monýmenti alańynan bastap “Otan qorǵaýshylar” monýmentine deıin Uly Otan soǵysynda  Jeńis­tiń 65 jyldyǵyna arnalǵan azamat­tyq sherý bastalyp, odan keıin keshke deıin Jastar saraıy jazǵy sahna­sy, Qarjy mınıstrligi aldyn­daǵy gúlzar, elorda saıabaǵy, Baýyr­jan Momyshuly saıabaǵyn­daǵy amfı­teatr, “Araı” saıabaǵy men qala­lyq alańda úrmeli orkestr­diń konserti ótetini habarlandy. Osy kúni saǵat 17.00-de Kongress-hollda Jeńis kúnine arnalǵan KSRO halyq ártisi Álibek Dinishevtiń jeke konserti bolyp, odan ári merekelik shara saǵat 22.00-de ot-shashýmen aıaqtalatyny belgili boldy. Qazir qala ákimdiginiń málimet­terine qaraǵanda, Astanada 484 soǵys ardageri turady. Jeńis kúni­ne oraı olardyń árqaısysy res­pýb­lıkalyq bıýdjetten materıal­dyq kómek retinde 65 000 teńge, al jergilikti bıýdjetten 35 000 teńge alatyn bolady. Sondaı-aq, qalada turyp jatqan 53 fashızm tutqyn­dary men soǵysta qaza tapqan jaýyngerlerdiń 25 jesirine 10 000 teńgeden, Uly Otan soǵysyna qa­tysý­shylarǵa jáne soǵys múgedek­terine teńestirilgen 1 700 azamat pen 3 906 tyl eńbek­keri­ne 4 000 teńge kóleminde ma­terıal­dyq kó­mek beriledi. Osy kúnderi 8 sáýir­den bastap astanalyq 48 ardager “Oqjetpes” sanatorııin­de jolda­ma­men demalýda. Dastan KENJALIN.