Keshe Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshov Jetisý óńirine kelgen issaparyn ındýstrııalyq-ınnovasııalyq damý baǵdarlamasymen ótken jyly qurylysy bastalǵan Ile aýdanyndaǵy “Jetigen-Qorǵas” temir jol jelisindegi qolǵa alynǵan jumystarmen tanysýdan bastady. “Indýstrııalandyrý kartasy” aıasynda oblysta jalpy quny 1 trln. 235 mlrd. teńgeni quraıtyn 22 ınvestısııalyq jobany júzege asyrý qarastyrylǵan. Aǵymdaǵy jyly jumysy aıaqtalatyn nysandardyń tizimine jalpy quny 15,9 mlrd. teńge bolatyn 8 joba engizilgen. Mınıstr men oblys ákimi Serik Úmbetov jalpy quny 165 mlrd. teńge qarjy jumsalyp, 29 kópir, 2 jol symdaryn, 307 sý ótkizetin qubyr jáne basqa da jumystardyń, Jetigen-Qorǵas jańa temir jol jelisiniń búgingi jaıymen tanysyp, mamandarmen pikirlesti.
Elimizdegi alys-beristiń kúretamyry sanalǵan temir jol qurylysynda 5500 adam jumyspen qamtylsa, nysan iske qosylǵanda 2077 jumys orny ashylady dep kútilýde. Qazir Jetigen stansasynan Qurózekke deıingi aralyqta jumys qyzý jalǵasyp, josparly jumys belgilengen kezeńde iske asyrylýda.
Aǵymdaǵy jylǵy sáýir aıynyń birine deıin atalǵan segiz joba boıynsha 11,8 mlrd. teńge qarjy ıgerilipti. Osy kúni Á.Isekeshev “Medıateks- N” bas kıim tigetin fabrıkada da boldy. Sapar barysynda jýrnalısterge bergen suhbatynda Á.Isekeshev oblystaǵy belgilengen jobalardyń sátti júzege asyrylyp jatqanyn atap kórsetti.
Kúmisjan BAIJAN, Almaty oblysy.