Qamysty aýdanynda "Brakoner" jedel aldyn alý is-sharasy barysynda zańsyz ań aýlady degen kúdikpen birneshe adam ustaldy, dep habarlaıdy Egemen.kz
Oblystyq PD baspasóz qyzmetiniń málimetinshe, patrýldik polısııa qyzmetiniń aǵa ınspektory Saıat Ábilkákimov pen patrýldik polısııa toby qyzmetiniń ınspektory Almat О́tepov Qamysty aýylyna kire beriste Mitsubishi Pajero markaly avtokólikti toqtatady. Úsh adam mingesken kólikti tekserý barysynda patrýldik polısııa qyzmetkerleri soıylǵan eliktiń etin, sondaı-aq janýardyń qany juqqan eki myltyq, pyshaq jáne jeke zattardy tárkilegen.
Qazir atalǵan oqıǵaǵa qatysty Qylmystyq kodekstiń 337-baby boıynsha tergeý júrgizilýde.
"Brakoner" jedel aldyn alý is-sharasy aıasynda oblys aýmaǵynda zańsyz ań aýlaýǵa qarsy 62 mobıldi top jumys istep jatyr.