Atyraýda Qylmystyq-atqarý júıesi departamentine qarasty qalalyq probasııa qyzmetiniń ınspektoryna para retinde "qyzyl" balyqty bermek bolǵan er adam ustaldy, - dep habarlaıdy Egemen.kz
Buǵan deıin kúdikti QR Qylmystyq Kodeksiniń 190-babymen (Alaıaqtyq) sottalǵan eken. Alaıda probasııa qyzmetiniń ınspektory keshki mezgilde teksere kelgende sottalǵan adam úıinde bolmaǵan.
«Osy quqyq buzýshylyq onyń jeke isine tirkeletindikten, sottalǵan er adam ınspektorǵa bekire tuqymdas baǵaly balyqty para retinde berýge tyrysqan. Qazir QR Qylmystyq Kodeksiniń 367-babynyń 1-bóligimen (Para berý) sotqa deıingi tergeý amaldary bastaldy» dep habarlady departamentiniń baspasóz qyzmeti.