Búgin, 1 jeltoqsanda Batys Qazaqstan oblysynyń ortalyǵy – Oral qalasynda Tuńǵysh Prezıdent kúnine oraı ótkizilgen shara aıasynda Nazarbaev zııatkerlik mektebiniń aýlasy men Neke saraıy aldyndaǵy skverge 200 túp aǵash otyrǵyzyldy. Bul týraly «Moı gorod» portaly habarlady.
«Aýdanda 2 mektep, 1 balalar baqshasy jáne kóptegen turǵyn úıler bar. Endi balalarǵa da, eresekterge de mundaı sulýlyqty kórý jaqsy áser etetin bolady, - dedi Oral qalasynyń ákimi Altaı Kúlginov. – Biz búgin Nazarbaev zııatkerlik mektebi janyna - 170, al Neke saraıy aýmaǵyna 30 túp shyrsha otyrǵyzamyz».
Bul jumystardy ákimder uıymshyldyqpen atqara bildi. Sondaı-aq,olarǵa qalanyń kommýnaldyq sharýashylyq bóliminiń qyzmetkerleri kómekke kelip, eńbek kórigin qyzdyryp jiberdi.
«Tuńǵysh Prezıdent kúni merekesi qarsańynda áleýmettik mańyzy bar kóptegen nysandar ashylyp, qatarǵa qosyldy, - dedi oblys ákimi Nurlan Noǵaev. – Búgin biz 200 aǵash otyrǵyzdyq. Endi osy bastama jaqsy dástúrge aınalady degen úmittemiz».
Baqytbek Keneshuly.
Derekkóz: «Moı gorod»