Qazaqstannyń Túrkııadaǵy elshiligi úıinde Tuńǵysh Prezıdent kúni keń kólemde atap ótildi. Bul týraly Total.kz habarlady.
Sharanyń sheńberinde Qazaqstannyń Túrkııadaǵy elshisi Janseıit Túımebaev Hataı provınsııasyna issaparmen bardy. Sapar kezinde provınsııa gýbernatory Qadım Doǵanmen, Antakııa qalasynyń meri Lıýtfý Savashpen, Mustafa Kemal atyndaǵy ýnıversıtettiń rektory, professor Hýsnıý Salıh Gıýlermen, bıznes ókilderimen jáne mádenıet qaıratkerlerimen kezdesip, birqatar óndiristik nysandardy aralady.
Osy kúni Qazaqstannyń tuńǵysh Prezıdenti jáne respýblıkanyń táýelsizdik jyldary qol jetkizgen jetistikteri týraly fotokórmeler uıymdastyryldy.
Hataı provınsııasynyń basshylyǵy Qazaqstan men onyń Prezıdentiniń qol jetkizgen jetistikterin atap ótip, joǵary baǵasyn berdi.
Danııar Túımebaı.
Derekkóz: Total.kz