Atyraýda 28 jastaǵy áıel syrqat balany jeleý etip, aqsha jınaǵan, dep habarlaıdy Egemen.kz.
«Alaıaq áıel Instagram-da serebraldy sal aýrýyna shaldyqqan úsh jasar sábıdi emdeýge qarajat jınaý týraly berilip, keıin alynyp tastalǵan habarlandyrýdy kórgen. О́ziniń aram oıyn iske asyrý úshin aldymen áleýmettik jelide jeke paraǵyn ashqan. Oǵan naýqas balanyń fotosýretin jáne óziniń banktik derekterin kórsetip, kómek suraǵan jazbasyn jarııalaıdy. Jalǵan habarlandyrýdy kezdeısoq kórip qalǵan balanyń anasy polısııaǵa aryzdandy» deıdi oblystyq polısııa departamentiniń bastyǵy Qamza Úmbetqalıev.
Qalalyq polısııa basqarmasy №1 polısııa bóliminiń qyzmetkerleri jalǵan habarlandyrý bergen áıeldi ustady. Ol – Atyraý qalasynyń 28 jastaǵy turǵyny.
«Ustalǵan áıeldiń 40 myń teńge qaryzy bolǵan. Sol qaryzyn óteý úshin osylaı áreket etken. Onyń esepshotyna 16-23 qarashada syrqat balaǵa kómek qolyn sozǵan azamattardan 37 myń teńge túskeni anyqtaldy. Sotqa deıingi tergeý kezinde kúdikti áıel atalǵan qarjyny syrqat balanyń anasyna berdi» deıdi departament bastyǵy Qamza Úmbetqalıev.
Qazir QR Qylmystyq Kodekstiń 190-babymen (Alaıaqtyq) sotqa deıingi tergeý júrgizilýde.