Búgin Táýelsizdik kúnine oraı Taraz qalasyndaǵy «Balasaǵun» ortalyq konsert zalynda saltanatty jıyn ótti. El egemendigine arnalǵan jıynǵa Jambyl oblysynyń ákimi Berdibek Saparbaev qatysyp, jambyldyqtardy aıtýly merekemen quttyqtady. Sonymen qatar, elimiz Táýelsizdik alǵan jyldardan bergi Áýlıeata óńiriniń jetistigi men damýy týraly derekti fılm kórsetildi. Sondaı-aq, jıyn barysynda birqatar azamattar memlekettik nagradalarmen marapattaldy.
Ekinshi dárejeli «Dostyq» ordeni Qordaı aýdany, Sortóbe aýyldyq okrýginiń ákimi Ilııas Bularov pen «Jambyl oblysy boıynsha Mahmud Qashqarı atyndaǵy uıǵyr etnomádenı birlestiginiń» prezıdenti Mýhabat Týrdyevaǵa tapsyryldy. Al, Merki aýdanynan «Merki irimshik zaýyty» jaýapkershiligi shekteýli seriktestiginiń dırektory Dastan Aıtólenov, Jýaly aýdandyq ardagerler uıymy qoǵamdyq birlestiginiń tóraǵasy Estemes Amanbekov, Moıynqum aýdanynan «Agrofırma Túrikpen» jaýapkershiligi shekteýli seriktestiginiń bas dırektory Baýyrjan Ábildaev, K.Ázirbaev atyndaǵy Jambyl oblystyq fılarmonııasynyń ánshisi Anna Výnder, Taraz qalasynan «Altais Group» jaýapkershiligi shekteýli seriktestiginiń prezıdenti Álimbek Jumabaev, Taraz qalasynan ómirlik qıyn jaǵdaıdaǵy balalardy qoldaý ortalyǵynyń dırektory Aıjan Meırhanova jáne eńbek ardageri Shors Sharafýtdınov «Qurmet» ordenimen marapattaldy. Sonymen qatar, ekinshi dárejeli «Eńbek» ordeni Sarysý aýdanynan «Qazfosfat» jaýapkershiligi shekteýli seriktestiginiń «Qarataý» taý-ken óńdeý kesheniniń bas ınjeneri Muhamedııar Ripbaev, Shý aýdanynan «Qazaqstan temirjoly júk tasymaldaý» aksıonerlik qoǵamynyń Shý lokomotıv paıdalaný deposynyń teplovoz mashınısi Tólegen Barlybaev, Jambyl aýdanynan «Qyzyl-Dıhan qojalyǵy» óndiristik kooperatıviniń mehanızatory Nıkolaı Ivkın, Talas aýdanynan «Igilik» kópsalaly kásipornynyń avtokran júrgizýshisi Rysqalı Maısýpov jáne Taraz qalasynan «Qazfosfat» jaýapkershiligi shekteýli seriktestigi «Mıneraldy tyńaıtqyshtar» zaýyty «Ammofos» sehynyń apparatchıgi Dúısen Shynhojaevqa berildi.