ADAL partııasy ókilderiniń halyqpen kezdesýleri jalǵasyp jatyr. Jıyn barysynda turǵyndar túıtkildi máselelerdi talqylap, kúndelikti ómirde kezdesetin qıyndyqtarymen bólisedi.
Keshe kandıdat Lázzat Shyńǵysbaeva Almaty oblysynyń halqymen kezdesti. Ol Balqash aýdanyna Baqanas aýylynyń turǵyndarymen júzdesip, olardyń pikirin tyńdady.
Lázzat Shyńǵysbaeva partııanyń basymdyqtary týraly aıta otyryp, halyqtyń qajettiligine basymdyq beriletinin erekshe atap ótti. Al aýyl turǵyndary ózderin tolǵandyrǵan taqyryptardy qozǵady.
Osylaısha, aýyl turǵyndary ıpoteka boıynsha satyp alynǵan turǵyn úı úshin artyq tólem somasy tym kóp ekenine narazylyq bildirdi. Olardyń aıtýynsha, qazirgi soma tym kóp. Iаǵnı ıpoteka alǵandar páter úshin eki ese artyq tólem jasaıdy. Aýyl halqy paıyzdyq ústemaqy negizgi qaryzdan asyp ketetinine narazy.
Turǵyndardyń pikirinshe, tym artyq tólem turǵyn úı qurylysynyń memlekettik baǵdarlamalary aıasynda da qarastyrylǵan. Esimin jarııalamaýdy suraǵan kóp balaly ana azyq-túlik baǵasynyń turaqty ósýine shaǵymdanady.
«Taýarlardyń negizgi túrleriniń baǵasyn ustap turý úshin memlekettik organ men zańdy negiz joq pa edi? Baǵalar sheksiz óse beredi, al tabysymyz ózgermeı, burynǵydaı qala beredi», deıdi ol.
Aýyldyń taǵy bir turǵyny bıýdjet qarjysynyń qanshalyqty tıimdi jumsalatynyna alańdaýshylyq bildirdi.
«Men jyl saıyn abattandyrýǵa, jańa nysandarǵa mol qarajat bólinetinin bilemin. Biraq jumys sapasyna kúmán bar. Mine, qazir bizdiń aýylda balabaqsha salynyp jatyr. Oǵan 250 mıllıon teńge bólindi. Al bul aqsha qalaı jumsalady? Bul suraqqa kim jaýap beredi? Jalpy, aqshanyń qalaı jumsalatynyna halyqtyq qatań baqylaý qajet», deıdi ol.
Atyraý oblysyndaǵy qolaısyz epıdemııalyq jaǵdaıǵa baılanysty Májilis depýtattyǵyna úmitker Maqsat Tolyqbaı men Dáýlet Muqaev onlaın-rejimde halyqpen kezdesý ótkizdi. Olar eldegi áleýmettik-ekonomıkalyq jaǵdaıǵa júrgizilgen taldaý negizinde partııanyń mindetteri týraly aıtyp berdi. Tikeleı efır barysynda kórermender ózderin mazalaǵan suraqtardy spıkerlerge qoıyp otyrdy.
Máselen, qatysýshylar negizinen halyqtyń áleýmettik ál-aýqatyn jaqsartýǵa qatysty usynystarǵa nazar aýdardy. Spıkerlerdiń aıtýynsha, áleýmettik sala basty maqsatqa aınalmaq. Ony iske asyrý úshin bıýdjet qyzmetkerleriniń ortasha jalaqysyn 200 myń teńge deńgeıine deıin arttyrý, fermerlerdiń memleketten sýbsıdııa alý jaǵdaıyn jaqsartý, problemalyq nesıelerge raqymshylyq jasaý, aýyldaǵy turǵyn úı qurylysyn jandandyrý, aýyldyq jerlerde jańa jumys oryndaryn qurý jáne basqa da máselelerdi ilgeriletý josparda bar.
Nur-Sultan qalasynda ADAL partııasynyń fılıaly uıymdastyrǵan bos jumys oryndarynyń jármeńkesi ótti. Jıyn barysynda 20-ǵa jýyq jumys berýshi bos jumys oryndaryn usyndy. Jármeńkege 70-ten astam elordalyq jumys izdep keldi.