Jýyrda QR Prezıdenti Arhıvinde «Tarıh. Taǵylym. Halyq» degen ataýmen H halyqaralyq ǵylymı-tájirıbelik konferensııanyń materıaldar jınaǵynyń tusaýkeseri ótkizildi. Is-shara beınebaılanys formatynda uıymdastyryldy, dep habarlaıdy Egemen.kz.
«Konferensııanyń otandyq jáne sheteldik zertteýshiler arasyndaǵy tanymaldyǵy jyldan-jylǵa artyp keledi. Soǵan sáıkes jyl saıyn sharaǵa qatysatyndardyń da qarasy kóp. Osy jyldardaǵy konferensııa materıaldarynyń barlyq jınaqtary HH ǵasyrdaǵy Qazaqstan tarıhyna qyzyǵýshylyq tanytatyn mamandar men zertteýshiler úshin úlken suranysqa ıe» dep atap ótti QR Prezıdenti Arhıviniń dırektory Jámılá Ábdiqadyrova. Sonymen qatar J. Ábdiqadyrova ǵylymı forýmdy uıymdastyrýdaǵy jemisti seriktestik úshin Qazaqstan Halqy Assambleıasy men «Mısva» qaýymdastyǵynyń basshylyǵyna alǵysyn bildirdi. «Bıyl elde oryn alǵan jaǵdaıǵa baılanysty konferensııa beınekonferensbaılanys formatynda ótti. Alaıda bul sharanyń tıisti deńgeıde ótýine kedergi keltirmedi, kerisinshe onlaın formatta uıymdastyrylǵan forým jumysyna Grekııa, Izraıl, Qazaqstan, Kanada, Qyrǵyzstan, Polsha, Reseı, AQSh, О́zbekstan jáne Ýkraına elderinen kóptegen mamandardyń qatysýyna múmkindik ashty» dep óz sózin jalǵady.
«Tarıh. Taǵylym. Halyq» halyqaralyq ǵylymı-tájirıbelik konferensııasy Uly Otan soǵysyndaǵy Jeńistiń 75 jyldyǵy men Qazaqstan Halqy Assambleıasynyń 25 jyldyǵy aıasynda ótkizildi. Materıaldar jınaǵyn daıyndaý jáne basyp shyǵarý konferensııany uıymdastyrý komıtetiniń úılesimdi jedel jumysynyń arqasynda júzege asyryldy.
Jıyrma jyl boıy júzege asyrylyp kele jatqan bul joba Ekinshi dúnıejúzilik soǵys jyldaryndaǵy túrli ulttardyń jappaı qonys aýdarý tarıhy týraly aqparatty saqtaýǵa, máńgilikke qaldyrýǵa jáne taratýǵa aıtarlyqtaı úles qosyp keledi. Konferensııa jumystarynyń qorytyndysy boıynsha halyqty, ónerkásip nysandaryn, mádenıet mekemelerin evakýasııalaýǵa baılanysty máseleler, sondaı-aq jahandyq saıası oqıǵalardyń nátıjesinde turǵylyqty jerin ózgertýge májbúr bolǵan halyqtyń ómir tarıhy kórsetilgen materıaldar jınaqtary jaryq kórdi.
Bıylǵy jylǵy sharanyń materıaldar jınaǵyndaǵy 662 bette 71 avtordyń 74 baıandamasy usynylǵan, jalpy kólemi – 42 baspa tabaq.
«Mısva» qaýymdastyǵynyń basshysy Aleksandr Baron «forým materıaldaryn basyp shyǵarý – Ekinshi dúnıejúzilik soǵys tarıhy týraly bilimdi keńeıtýge qosqan úles» ekenin atap ótti. «Tarıh. Taǵylym. Halyq» halyqaralyq jobasynyń kelesi HI konferensııasy 2022 jyly óz jalǵasyn tabady dep josparlanyp otyrǵanyn da jetkizdi.
Tusaýkeserge otandyq jáne sheteldik zertteýshiler L.N. Gýmılev atyndaǵy EUÝ professory, Qazaqstan Halqy Assambleıasynyń Ǵylymı-saraptamalyq keńesiniń múshesi, pedagogıka ǵylymdarynyń doktory Natalıa Kalashnıkova, ál-Farabı atyndaǵy QazUÝ professory, tarıh ǵylymdarynyń doktory Laıla Ahmetova, Soltústik Qazaqstan oblysy Memlekettik arhıviniń dırektory, tarıh ǵylymdarynyń kandıdaty Sáýle Málikova, QR Prezıdenti Arhıviniń bas sarapshysy Evgenııa Chılıkova, Túrkistan oblysy qoǵamdyq-saıası tarıhy memlekettik arhıviniń bas qor saqtaýshysy, joǵary sanatty arhıvshi Elena Tımofeeva, J. Balasaǵun atyndaǵy Qyrǵyz ulttyq ýnıversıtetiniń «Arheologııa, etnologııa, derektaný jáne tarıhnama» kafedrasynyń meńgerýshisi, tarıh ǵylymdarynyń doktory, professor Shaıyrkúl Batyrbaeva (Qyrǵyzstan), Gdansk qalasyndaǵy Ekinshi Dúnıejúzilik soǵys mýzeıiniń qyzmetkeri, PhD Dmıtrıı Panto (Polsha), Myrza Ulyqbek atyndaǵy Ulttyq ýnıversıtetiniń tarıh fakýlteti «Derektaný jáne arhıvtaný» kafedrasynyń dosenti, tarıh ǵylymdarynyń kandıdaty Haırııa Býrıeva (О́zbekstan), Tıýmen memlekettik ýnıversıtetiniń professory Aleksandr Iаrkov (Reseı) qatysty. Olar basylymnyń ǵylymı qundylyǵymen qatar, jınaq materıaldaryndaǵy adam taǵdyrynyń naqty mysaldary arqyly qıyn jáne qaıǵyly tarıhı kezeńderdegi adamgershilik týraly oılarynyń keleshek urpaq úshin úlken tárbıelik máni bar ekenin atap ótti.