Densaýlyq saqtaý vıse-mınıstri – Memlekettik bas sanıtarlyq dáriger Erlan Qııasov Ortalyq saılaý komıssııasynyń otyrysynda Parlament Májilisi men máslıhat depýtattaryna daýys berý kezinde koronavırýs ınfeksııasynyń taralýynyń aldyn alý jáne sanıtarlyq-epıdemııalyq qaýipsizdikti qamtamasyz etý jáne azamattardyń densaýlyǵyn qorǵaý algorıtmi jaıly aıtty.
Árbir saılaý ýchaskesinde kireberiste medısına qyzmetkerleri nemese volonter kezekshilikpen termometr arqyly kelgen azamattardyń temperatýrasyn ólsheýi kerek; qoldy dezınfeksııalaýǵa arnalǵan sanıtaızer bolýy tıis; saılaýshylardyń qozǵalys baǵyty boıynsha araqashyqtyq belgiler men nusqaýlyq bolýy tıis; paıdalanylǵan jeke qorǵanys quraldaryn tastaýǵa arnalǵan konteınerler; dene qyzýy kóterilgen (37ºS-tan joǵary) jaǵdaıda adamdardy oqshaýlaýǵa arnalǵan jeke oryn bolýy qajet.
Saılaý komıssııalarynyń qyzmetin uıymdastyrý kezinde komıssııa músheleri árbir 3 saǵat saıyn maskany aýystyrýy tıis, ishke kirgende qoldy tazalaý, al qol alysýǵa jáne kelýshilermen jaqyn baılanysýǵa bolmaıdy, saılaý komıssııasy nysanyn ylǵaldy tazalap, jıhaz ben tehnıkalyq jabdyqty bir-birinen keminde 1,5-2 metr qashyqtyqta ornalastyrý qajet.
Budan basqa saılaý bıýlletenderin taratqanda tikeleı baılanys ornatýǵa bolmaıdy. «Saılaýshylar jeke basyn kýálandyratyn qujatty saılaý komıssııasynyń múshesine kórsetedi, biraq qolyna berilmeıdi», dedi E.Qııasov.
Epıdemııalyq jaǵdaıdy baǵalaý matrısasyna sáıkes 2020 jylǵy 25 jeltoqsannan bastap 2021 jylǵy 5 qańtarǵa deıin joǵary jáne ortasha qaýipti aımaqtarda (qyzyl jáne sary aımaqtarda) bolatyn óńirlerdegi saılaý komıssııasynyń músheleri PTR ádisimen COVID-19-ǵa zerthanalyq tekserýden aldyn ala ótýi tıis. PTR ádisimen COVID-19 testin saılaý bastalǵanǵa deıin 5 kún buryn tapsyrý qajet.