«Saılaý ýchaskesindegi saılaýshylardyń tizimin tekserý týraly»
2021 jylǵy 10 qańtarda Qazaqstan Respýblıkasy Parlamenti Májilisi jáne máslıhattary depýtattarynyń kezekti saılaýy ótedi.
Aǵymdaǵy jyldyń 26 jeltoqsanynan bastap azamattar tıisti saılaý ýchaskelerindegi saılaýshylar tizimderimen tanysa alady.
Árbir azamat saılaýshylar tizimderindegi ózi týraly derekterdi tekserýge jáne tizimge engizilmegeni, durys engizilmegeni nemese tizimnen shyǵaryp tastalǵany, sondaı-aq tizimderdegi saılaýshy týraly derekterde jańsaqtyq jiberilgeni úshin shaǵymdanýǵa quqyly.
Saılaýshylar tizimine engizý, odan shyǵarý ne tizimderge túzetýler jasaý qajettigi týraly aryzdardy tıisti saılaý komıssııasy saılaý komıssııasyna aryz kelip túsken kúni qaraıdy.
Aryzdanýshy úshin durys sheshim qabyldanǵan jaǵdaıda saılaý komıssııasy saılaýshylar tizimine túzetýdi nemese engizilmegen saılaýshyny tizimge engizýdi dereý júrgizedi.
Aryz maquldanbaǵan jaǵdaıda saılaý komıssııasy aryzdanýshyǵa onyń aryzynyń maquldanbaǵany týraly dáleldi sheshimniń kóshirmesin keshiktirmeı beredi. Sheshimge saılaý komıssııasy ornalasqan jerdegi tıisti sotqa shaǵym jasalýy múmkin, sot shaǵymdy kelip túsken kúni qaraıdy.