Jeke tulǵanyń ekinshi deńgeıli bankterden (Otbasy bankinen basqa) alǵan nesıesi boıynsha syıaqy mólsherindegi salyq shegerimderin qoldanýy 2025 jyldyń 1 qańtaryna aýystyryldy, dep habarlaıdy Egemen.kz
Memlekettik kirister komıtetiniń málimetine sensek, tıisti túzetýler 2020 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» № 382-VI Zańymen engen.
Qazirgi ýaqytta jeke tabys salyǵyn esepteý kezinde syıaqyǵa salyqtyq shegerim tek «Turǵyn úı qurylys jınaq banki» AQ-nan («Otbasy banki») alǵan nesıe boıynsha qoldanylady.