Atyraýda polısııa qyzmetkerleri esirtkini nasıhattaıtyn saıttardy jarnamalaǵan áıel ustaldy, dep habarlaıdy Egemen.kz
Oblystyq polısııa departamenti baspasóz qyzmetiniń málimetinshe, Atyraý qalasynda belgisiz bireý turǵyn úılerdiń qabyrǵasy men qaqpasyna esirtki quraldary men psıhotroptyq zattardyń ataýy jazylǵan saıttar týraly jarnama japsyrypty.
«Polısııa qyzmetkerleri osy derekke baılanysty jedel izdestirý is-sharasyn júrgizdi. Sonyń nátıjesinde 33 jastaǵy áıeldiń osy iske kúdikti ekeni anyqtaldy. Qazir bul azamatsha ustaldy», dep habarlady departamenttiń baspasóz qyzmeti.
Atalǵan derek qatysty QR Qylmystyq Kodeksiniń 299-1 baby, 1-bóligimen sotqa deıingi tergeý bastaldy.