Shymkent qalasynyń ákimi Murat Áıtenov qaladaǵy birqatar ónerkásip nysanynyń jumys barysyn aralap kórdi, dep habarlaıdy Egemen.kz.
Qala ákimi oraý-qaptaý materıaldaryn óndiretin «KazALPack» JShS-nyń qazirgi jaǵdaıymen tanysty.
«KazAlPack» JShS - Ortalyq Azııa aýmaǵynda biregeı jobany júzege asyratyn kásiporyn. «Ońtústik» ındýstrııalyq aımaǵy aýmaǵynda ornalasqan óndiris orny alıýmınıı bankalaryn shyǵarady.
Zamanaýı zaýyttyń jalpy aýdany - 20 000 sharshy metr. О́ndiristiń maksımaldy qýaty jylyna 500 mıllıon banka shyǵarýǵa qaýqarly.
Joba aıasynda syrany, shyryndardy, gazdalǵan jáne gazdalmaǵan álsiz alkogoldi jáne alkogolsiz sýsyndardy quıýǵa arnalǵan túrli kólemdegi ońaı ashylatyn qaqpaqtary bar, alıýmınıı bankilerin shyǵarý josparlanýda.
Qazirgi tańda óndiristik jáne qoıma úı-jaılaryn salý boıynsha qurylys-montajdaý jumystary júrgizilýde. О́ndiristik jabdyqtar kezeń-kezeńimen jetkizilýde.
Ekologııalyq aspekt mańyzdy faktorlardyń biri. Alıýmınıı banki - álemdegi ekologııalyq eń taza jáne qaıta óńdeletin qaptama. Alıýmınıı bankalarynyń jartysynan kóbi qaıta óńdeýge jiberiledi. Ony qaıta óńdeýge jáne qaıtadan sheksiz paıdalanýǵa bolady.
Qala ákimi kásiporyn basshylaryna qurylys jumystarymen qatar, qazirden bastap mamandar daıarlaýǵa, bul salada kásiptik-tehnıkalyq kolledjdermen memorandým túzýdi tapsyrdy.
«KazAlPack» JShS jobasy «Qazaqstan Halyq Banki» AQ jáne «Damý» kásipkerlikti damytý qorynyń qoldaýymen «Qarapaıym zattar ekonomıkasy» baǵdarlamasy aıasynda júzege asyrylýda.