«Astana-REK» AQ «Sol jaǵalaý» qosalqy stansasy qyzmet kórsetetin aýmaqtardyń birindegi jaryqtyń óshýin jáne apat sebepterin túsindirdi, dep habarlaıdy Egemen.kz.
«Astana-REK» AQ baspasóz qyzmetiniń habarlaýynsha, 30 qańtar kúni saǵat 20:58-de «Sol jaǵalaý» stansasynyń 407 nómirli 10 kV uıashyǵy apattyq jaǵdaıda óshirilgen. Saldarynan Syǵanaq, Túrkistan jáne Almaty kóshelerindegi 6 turǵyn úıde jaryq óshken. Turǵyn úı keshenderiniń qajettiligin (jylytý, sýmen qamtý, lıft jumysy) óteý úshin jedel brıgada bir saǵatta dızel generatorlaryn ornatty. Esil AEJ jedel-jóndeý brıgadalarynyń, kabeldik jeliler qyzmetiniń, synaq jáne dıagnostıka qyzmetiniń kúshimen (19 adam) elektr berýdiń kabeldik jelisi qalpyna keltirildi.
31 qańtar kúni saǵat 2:17-de atalǵan 6 turǵyn úıdegi elektrmen jabdyqtaý tolyq qalpyna keltirildi.
Apat sebebi: kabel arnasyn ashý kezinde ondaǵy oqshaýlaý qabatynyń tesilgeni anyqtaldy, aqaýly bólik eki mýftany ornatý arqyly aýystyryldy. Jelini tolyq qalpyna keltirgen soń, rezervtik kabeldik jelide jóndeý jumystary júrgiziledi, bul turǵyn úı keshenderiniń ekinshi elektrmen jabdyqtalýyn qamtamasyz etedi.
«Astana-AEK» AQ bas ınjeneri Rýslan Ábjanovtyń aıtýynsha, turǵyn úı keshenderin salýshylar qurylystan keıin jelilerdi jergilikti atqarýshy organdardyń balansyna bermegen, bul jeliler «Astana-AEK» AQ balansyna berý úshin rásimdeý satysynda tur. Sonymen birge, bul kabeldik jelilerdiń oqshaýlaǵyshyna ishinara zaqym kelgen, bul turǵyndardy qalypty elektrmen jabdyqtaýdy qıyndatady. Qazirgi ýaqytta rezervtik jelide de kabeldiń zaqymdanýy tabylyp, jóndelip jatyr.
Barlyq quqyqtar qorǵalǵan. inform.kz belsendi siltemeni paıdalanyńyz https://www.inform.kz/kz/astana-rek-ak-elordanyn-sol-zhagalauyndagy-apat-sebebin-tusindirdi_a3747447