Nur-Sultan qalasynyń ákimi Altaı Kólginov Instagram paraqshasynda "Astana Arena" stadıony bazasynda jaýyngerlik óner zaly ashylǵanyn málim etti, dep habarlaıdy Egemen.kz qala ákimdiginiń resmı saıtyna silteme jasap.
«Qala turǵyndaryn sportqa beı̆imdep, buqaralyq sportty damytý úshin saıabaqtar, skverler, aýlalar, jańa sport keshenderin salamyz. Sport klasteri paı̆da bolmaq. Sport mekemeleri tek kásibı oı̆yndar men qoı̆ylymdardy ótkizýge ǵana emes, sonymen qatar balalarymyzdy jattyqtyrýǵa da kerek. Bul jastardy yntalandyrady. О́ı̆tkeni, olar belgili sportshylar jattyǵatyn kásibı alańda jattyǵyp, odan da kóp tyryspaq», - deıdi ákim.
Ákimniń aıtýynsha sportshylar úshin de, balalar úshin de jaǵdaı̆ jasaý úshin birqatar sport nysandary jóndelip, "Astana Arena" stadıonynda ótkizilgen jóndeý jumystarynyń barysymen tanysty.
"Astana Arena" stadıonynda fýtbol alańy aýystyryldy - endi ol FIFA standarttaryna sáı̆kes keledi, drenajdyq júı̆e, ırrıgasııalyq júı̆e jańartyldy (buryn alańdy shlangpen sýaratyn), sondaı̆-aq, kıim sheshetin bólmelerge aǵymdyq jóndeý júrgizildi.
«Taǵy bir mańyzdy másele - sport mekemeleriniń bos oryndaryn utymdy paı̆dalaný. "Astana Arena" stadıony bazasynda jaýyngerlik óner zaly ashyldy. Onda sporttyń 8 túri damıdy: pankratıon, djıý-djıtsý, sambo, karate, kúres, kıkboksıng jáne t. b.
Sonymen qatar, úrlemeli fýtbol korty jóndeldi (Jırentaev kóshesi, 15, B, Almaty aýdany). Onda biz kópten beri jaramsyz bolyp qalǵan fýtbol alańy men manejdi tolyǵymen almastyrdyq. Sondaı̆-aq, kıim aýystyratyn bólmeler men ǵımarat aǵymdyq jóndeýden ótti», - dep jazady Altaı Kólginov.
Sonymen qatar, velosport boı̆ynsha balalar men jasóspirimder sport mektebine jáne atys komandasyna qosymsha jabdyqtar berildi.
«Balalar men jasóspirimder sport mektepterin, federasııalardy odan ári qoldap, qala turǵyndaryn buqaralyq sportqa tartý úshin jaǵdaı̆ jasaı̆tyn bolamyz», - dep ákim sózin aıaqtady.