Qazaqstan aýmaǵynda koronavırýs ınfeksııasynyń paıda bolýy men taralýyna jol bermeý jónindegi vedomstvoaralyq komıssııanyń 2021 jyldyń 28 qańtaryndaǵy sheshimine sáıkes Reseımen turaqty jolaýshylar reısterin ár taraptan aptasyna 1 reısten 3 reıske deıin, sondaı-aq Túrkııamen túrik tarapy úshin Antalıa – Almaty baǵyty boıynsha aptasyna 1 reıske ulǵaıtýǵa ruqsat berildi, dep habarlaıdy Egemen.kz.
Qazaqstan men Reseı arasyndaǵy turaqty reıster ulǵaıtylǵannan keıin, reseılik taraptyń kelisimin eskere otyryp, áýe qatynasy ár taraptan Nur-Sultan – Máskeý (aptasyna 2 reıs) jáne Almaty – Máskeý (aptasyna 1 reıs) baǵyttary boıynsha aptasyna 3 reısten oryndalatyn bolady.
Reıster sanıtarııa-epıdemıologııa talaptaryn qatań saqtaı otyryp jáne áýe kompanııalardyń saıtynda jarııalanǵan kestege sáıkes júzege asyrylady.