Qyzylordada “Qarý” jedel-profılaktıkalyq is-sharasynyń 5 kúninde 2 myńnan astam qarý ıesi tekserilip, zańsyz aınalymnan 16 dana qarý tárkilendi, dep habarlaıdy Egemen.kz.
Oblys kóleminde ótip jatqan “Qarý” jedel-profılaktıkalyq is-sharasynyń 5 kúninde 2 512 qarý ıesi tekserilip, 48 quqyq buzýshylyq anyqtaldy.
Zańsyz aınalymnan 16 dana qarý tárkilendi.
Is-shara barysynda Qazaqstan Respýblıkasy Ákimshilik quqyq buzýshylyq týraly kodeksiniń 484-babyna (Azamattyq, qyzmettik, marapattyq, kolleksııalyq qarýdy, onyń patrondaryn ıelený, berý, esepke alý, saqtaý, paıdalaný, tasymaldaý, Qazaqstan Respýblıkasynyń aýmaǵyna ákelý, Qazaqstan Respýblıkasynyń aýmaǵynan áketý jáne Qazaqstan Respýblıkasynyń aýmaǵy arqyly tranzıtpen ótkizý tártibin buzý) sáıkes 16 azamatqa, 486-babyna (Azamattyq, qyzmettik, marapattyq, kolleksııalyq qarýdy tirkeý (qaıta tirkeý) ne ony esepke qoıý tártibin buzý) sáıkes 16 azamatqa qatysty ákimshilik sharalar qabyldandy.
Budan basqa 31 qańtar kúni Aral aýdany turǵynynyń aýlasyndaǵy saraıynan ishki ister organdarynda tirkeýde joq, eki uńǵyly, 12 kalıbrli ańshy myltyǵy tárkilendi.
Qazirgi tańda bul azamatqa qatysty Qazaqstan Respýblıkasy ÁQBtK-niń 482-babynyń 1-bóligimen (Jeke jáne zańdy tulǵalardyń qarýdy zańsyz ıelenýi, berýi, ótkizýi, saqtaýy, alyp júrýi, tasymaldaýy) ákimshilik hattama toltyrylyp, jınaqtalǵan qujattar sotqa joldandy.