2 aqpanda Qazaqstan Respýblıkasy Aqparat jáne qoǵamdyq damý vıse-mınıstri Ashat Oralov «Nur Otan» partııasynyń Respýblıkalyq qoǵamdyq qabyldaýynda azamattardy onlaın rejıminde qabyldady6 dep habarlaıdy Egemen.kz.
Ashat Oralov Túrkistan, Soltústik Qazaqstan, Batys Qazaqstan, Mańǵystaý, Qaraǵandy, Aqmola, Qostanaı oblystary jastar ókilderiniń suraqtaryna jaýap berdi.
Kelip túsken ótinishterdiń basym kópshiligi jas otbasylardy, ásirese aýyldyq jerlerde turatyn jastardy qol jetimdi turǵyn úımen qamtamasyz etý, sondaı-aq jastar kásipkerligin damytý baǵdarlamalaryna jáne NEET sanatyndaǵy jastardyń úlesin azaıtý úshin memleket tarapynan jasalyp otyrǵan sharalarǵa qatysty boldy. Budan bólek, jastar resýrstyq ortalyqtarynyń qyzmetin jetildirý, volonterlikti damytý, ekologııalyq jobalar jáne jas ǵalymdardy qoldaý máseleleri de kóterildi.
A.Oralov jastar men qoǵam ókilderinen ýaqtyly keri baılanys alýǵa múmkindik beretin osyndaı onlaın kezdesýlerdi únemi ótkizý mańyzdy ekendigin atap ótti.