Vaksınany alǵannan keıin onyń saldary bolǵan jaǵdaıda prosestiń barlyq qatysýshylary jaýap beredi: óndirýshiden bastap medısınalyq mekemelerge deıin. Bul týraly Ortalyq kommýnıkasııalar qyzmetinde ótken brıfıngte bas memlekettik sanıtarlyq dáriger habarlady.
Budan basqa, Erlan Qııasovtyń aıtýynsha, óńirlerdegi qoǵamdyq densaýlyq saqtaý basqarmalarynyń janynan beıindi mamandar qatarynan saraptamalyq toptar quryldy. Teris reaksııa bolǵan jaǵdaıda komıssııa tergeý júrgizedi jáne tıisti sharalar qabyldaıdy.
«Búgingi tańda vaksınasııamen barynsha kóp adamdy qamtý mańyzdy. Bul KVI boıynsha jaǵdaıdy jeńýge jáne karantınsiz qalypty ómir saltyna oralýǵa, ekonomıkany turaqtandyrýǵa, balalardy balabaqshalar men mektepterge, stýdentterdi dáris zaldaryna qaıtarýǵa jáne jalpy alǵanda, týystarymyzben jáne jaqyndarymyzben, áriptesterimizben jáne dostarymyzben qaýipsiz qarym-qatynas qurýǵa oralýǵa múmkindik beredi. Qazirgi ýaqytta BAQ pen áleýmettik jelilerde vaksınasııanyń zııany týraly jalǵan habarlamalar jıi taralady. Sizderdi tek resmı derekkózderdiń aqparatyna ǵana senýge, medısına qyzmetkerleriniń usynystaryna qulaq asýǵa jáne psevdosarapshylar men arandatýshylardyń arbaýyna kónbeýge shaqyramyn. Vaksınasııa ınfeksııalarmen kúreste óziniń tıimdiligin birneshe ret dáleldedi, aýrýlardyń tirkelý deńgeıin nólge deıin azaıtty. Búgingi tańda bul ımmýnoprofılaktıkamen basqarylatyn ınfeksııalardan qorǵaýdyń eń tıimdi sharasy, sondaı-aq karantın men ózin-ózi oqshaýlaýdyń jalǵyz balamasy», - dep túsindirdi eldiń bas sanıtarlyq dárigeri.
Aldyn ala boljam boıynsha jáne sheteldik ǵalymdardyń jarııalanymdaryna sáıkes, KVI aýrýyn azaıtýǵa múmkindik beretin ujymdyq ımmýnıtet qalyptastyrý úshin eresekterdiń 60% vaksınasııalaý qajet.
Halyqty dúrliktirgen vaksınasııanyń elektrondyq pasportyn engizý týraly aıta keteıik, bul burynnan bar kóp jyldyq tájirıbeniń sıfrlyq analogy. Bul qaǵazdaǵy «egý pasportynyń» sıfrlyq nusqasy.