Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary "Atameken" UKP basshylyǵymen kezdesti, dep habarlaıdy Egemen.kz.
Elimizdegi ónerkásiptiń damýyn tejeıtin ózekti máseleler men qaterler kún tártibindegi negizgi taqyryp boldy. Senatorlar ónerkásip obektileriniń, ásirese eksportqa baǵdarlanǵan kásiporyndardyń sany men jaı-kúıine nazar aýdardy. Bıznes qaýymdastyǵy ókilderi óz kezeginde osy saladaǵy zańnamalyq bazany jaqsartý jónindegi usynystaryn aıtty.
Kezdesý barysynda óndiristik obektilerdi jetildirý, arnaıy ekonomıkalyq jáne ındýstrııalyq aımaqtardyń jumys isteýi, sondaı-aq óńdeý ónerkásibi sýbektilerine kredıt berý deńgeıin arttyrý máseleleri kóterildi.
Kezdesý "Qazaqstan Respýblıkasynyń ónerkásiptik saıasatyn zańnamalyq retteý: jaǵdaıy, máseleleri jáne sheshý joldary" taqyrybyna arnalǵan Úkimet saǵatyna daıyndyq aıasynda ótti.