5 aqpan Májiliste «О́nerkásiptik saıasat týraly» jáne oǵan ilespe zań jobalarynyń tanystyrylymy beıne baılanys arqyly ótti. Otyrysty Májilistiń Ekonomıkalyq reforma jáne aımaqtyq damý komıtetiniń tóraǵasy Albert Raý ashyp, Memleket basshysy Q.K. Toqaevtyń parlamenttik sessııanyń ashylýynda bergen «О́nerkásiptik saıasat týraly» zańdy qabyldaý qajettiligi týraly tapsyrmasyna toqtaldy, dep habarlaıdy Egemen.kz.
Otyrysta qatysýshylar aldynda baıandama jasaǵan Indýstrııa jáne ınfraqurylymdyq damý vıse-mınıstri Amanııaz Erjanov zań jobasyn ázirleý men qabyldaýdyń maqsattary ónerkásiptik saıasatty qalyptastyrý men iske asyrýdyń tıimdiligin arttyrýǵa jáne elimizde ónerkásiptiń damýyna yqpal etý ekenin aıtty.
Jalpy zań jobasy bes bólimnen turady, ony quqyqtyq retteýde óńdeý ónerkásibin damytýǵa jáne ekonomıkalyq ósý kózderin ártaraptandyrýǵa basa nazar aýdarylǵan. Tutastaı alǵanda, ártúrli múddeli memlekettik organdar men damý ınstıtýttarynyń qyzmetin úılestirýdi qamtamasyz etý úshin zań jobasynda ónerkásiptik saıasatty qalyptastyrý jáne iske asyrý máseleleri boıynsha sheshimder qabyldaý úshin ınfraqurylym qurýdy kózdeý usynylady.
Zań jobasyn ázirleý kezinde ónerkásipti damytý úshin kedergilerdi joıý jáne onyń salalaryn yntalandyrý turǵysynan ónerkásiptik saıasat máselelerin retteıtin ózge de zańdardyń erejeleri jetildiriletin bolady.
Zań jobasyn qabyldaýdyń áleýmettik-ekonomıkalyq saldaryn atap ótsek:
ónerkásiptik saıasat máseleleri boıynsha sheshimder qabyldaý kezinde múddeli memlekettik organdardyń qyzmetin úılestirýdiń tıimdi júıesin qurý; eldiń áleýmettik-ekonomıkalyq damýyn qamtamasyz etetin básekege qabiletti jáne joǵary tehnologııalyq ónerkásipti qalyptastyrý úshin normatıvtik quqyqtyq negiz jasaý; eńbek ónimdiligin arttyrý, óndiristik tizbekti uzartý jáne naryqty keńeıtý, sondaı-aq jumys oryndaryn saqtaı otyryp, óndiristik qýattardy qurý jáne qalpyna keltirý, ońalǵan óndiristerdi iske qosý maqsatynda óndiristik obektilerdi jańǵyrtý (tehnıkalyq qaıta jaraqtandyrý), qarjylyq-ekonomıkalyq saýyqtyrý, ınvestısııalyq tartymdylyǵyn jaqsartý jáne (nemese) qalpyna keltirý úshin qolaıly jaǵdaılar jasaý; ınnovasııalyq qyzmetti yntalandyrý, ınnovasııalardy tıimdi engizý jáne joǵary tehnologııalyq óndiristerdi damytý; ónerkásiptik kásiporyndardyń ınvestısııalyq tartymdylyǵyn jáne eksporttyq áleýetin arttyrý; ónerkásiptik kásiporyndarǵa tehnologııalardy, ǵylymı jáne (nemese) ǵylymı-tehnıkalyq qyzmet nátıjelerin kommersııalandyrýda járdem kórsetý; ónerkásipte ǵylymı-zertteý bazasyn damytý jáne ony óndiristik prosespen ıntegrasııalaý; ónerkásip salasyndaǵy halyqaralyq yntymaqtastyqta ónerkásip kásiporyndaryna járdem kórsetý, onyń ishinde ónerkásip muqtajy úshin joǵary bilikti kadrlar daıarlaý salasyndaǵy yntymaqtastyq; Qazaqstannyń «jasyl ekonomıkaǵa» kóshýi maqsatynda ónerkásiptik kásiporyndardy jańǵyrtýdy qamtamasyz etý; ónerkásiptik kásiporyndardy materıaldyq, qarjylyq, eńbek jáne tabıǵı resýrstardy utymdy jáne tıimdi paıdalanýǵa yntalandyrý, eńbek ónimdiligin arttyrýdy, ımportty almastyratyn, resýrs únemdeıtin jáne ekologııalyq qaýipsiz tehnologııalardy engizýdi qamtamasyz etý; qosylǵan qun úlesi joǵary ónim shyǵarýdy ulǵaıtý jáne osyndaı ónimniń eksportyn qoldaý.Osy atalǵandar Qazaqstanǵa jumys oryndaryn saqtap qana qoımaı, olardy bolashaqta ulǵaıtýǵa da múmkindik beredi. Nátıjesinde jalpy qazaqstandyqtardyń ál-aýqatynyń deńgeıi artady dep kútilýde.
Al, osy «О́nerkásiptik saıasat týraly» zańǵa ilespe «Qazaqstan Respýblıkasynyń keıbir zańnamalyq aktilerine ónerkásiptik saıasat máseleleri boıynsha ózgerister men tolyqtyrýlar engizý týraly» zań 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyna sáıkes ázirlendi.
Zań jobasyn ázirleý men qabyldaýdyń maqsattary ázirlenip jatqan negizgi zań jobasyna sáıkes keltirý, sondaı-aq ónerkásip problemalaryn sheshý jáne Joldaýdan týyndaıtyn jekelegen tapsyrmalardy iske asyrý úshin ózge de zańnamalyq aktilerge naqty túzetýler engizý bolyp tabylady.
Onyń ishinde, zań jobasy sheńberinde Kásipkerlik kodekske, «Jer qoınaýy jáne jer qoınaýyn paıdalaný týraly» Kodekske, «Ulttyq ál-aýqat qory týraly», «Gaz jáne gazben jabdyqtaý týraly», «Qazaqstan Respýblıkasynyń Ulttyq Kásipkerler palatasy týraly» zańdarǵa ózgerister engiziledi.
Otyrys barysynda depýtattar zań jobasy boıynsha jaýapty memlekettik organnyń basshysyna birqatar suraqtary qoıyp, pikir almasty.
Atalǵan usynys-pikirlerdi eskerip, zań jobasymen odan ári jumys isteý úshin Májilistiń Ekonomıkalyq reforma jáne aımaqtyq damý komıtetiniń múshesi, depýtat Ǵalym Ámireev jumys tobyna jetekshilik etedi.
Aıta ketý kerek, otyrysqa azamattyq qoǵam, parlamenttik emes saıası partııalar, úkimettik emes uıymdar, «Atameken» UKP jáne memlekettik organdar ókilderi qatysyp, beıne baılanys arqyly ashyq dıalog formatynda ótti.