Jelide DDSU-nyń jalǵan málimdemesi talqylanyp jatyr. Onda uıym mamandary «endi maska taǵý qajet emes» dep málimdegen, dep habarlaıdy Egemen.kz Stopfake.kz saıtyna silteme jasap.
Osyndaı «dáıeksóz» jazylǵan skrınshot 25 qańtarynda jarııalanǵan.
Shyn máninde, DDSU mamandarynyń eshqaısy mundaı málimdeme jasamaǵan. Internette tarap ketken skrınshot Principia Scientific International konspırologııalyq resýrsynan shyqqan jáne DDSU-ǵa esh qatysy joq.
Saıtta konteksten alynǵan dáıeksóz de keltirilgen, shyndyǵynda, ol DDSU-nyń 2020 jyly 1 jeltoqsanda shyqqan Mask use in the context of COVID-19 qujatynan alynǵan. Onda «saıma-saı qorǵanys deńgeıin qamtamasyz etý úshin jalǵyz bir maskany tıisinshe qoldaný jetkiliksiz» delingen.
Budan ári túpnusqa qujatta COVID-19-tyń aldyn alý boıynsha qoldy jıi jýý jáne áleýmettik qashyqtyqty saqtaý sııaqty basqa nusqaýlar berilgen. Qujatta maska taǵýdyń tıimdigin kórsetetin zertteýlerdiń nátıjesi de keltirilgen. Bul osy qujatty qoldana otyryp, jasalǵan alǵashqy manıpýlıasııa emes.