Shymkent qalasynda jalpy 123 densaýlyq saqtaý mekemesi bar. Onyń 36-y memlekettik bolsa, 87-si jekemenshik mekeme. 38 uıym stasıonarlyq, 78-i ambýlatorııalyq qyzmet kórsetedi. Onda 4069 dáriger men 9581 orta býyndy medısına mamandary jumys isteıdi, dep habarlaıdy Egemen.kz.
О́tken jyly 2 jańa medısınalyq nysan paıdalanýǵa berildi. Atap aıtqanda, bir aýysymda 250 adamdy qabyldaýǵa múmkindigi bar «Atameken» emhanasy soǵyldy. Mekeme Qaıtpas-1, Tasken, Nurtas shaǵyn aýdandarynyń turǵyndaryna qyzmet kórsetedi. Al, ekinshi nysan Asar shaǵyn aýdanynan boı kótergen qalalyq ınfeksııalyq ortalyq. Modýldi aýrýhanada búgingi tańda pnevmonııa, koronavırýs ınfeksııasyna shaldyqqan naýqastar em qabyldaýda.
Sonymen qatar, 7 mekemege kúrdeli jóndeý jumystary júrgizildi. Onyń ishinde №2 «Forforshylar aýrýhanasy» tolyq qaıta jóndeýden ótti. Munda sońǵy úlgidegi angıograf apparaty ornatyldy. Saıram eldimekeninde ornalasqan qalalyq №3 aýrýhanaǵa kúrdeli jóndeý jumysynan keıin KT, rentgen, ÝZI apparattary ornatyldy.
Densaýlyq saqtaý basqarmasynyń aldaǵy josparlaryna sáıkes, ınvestorlar kómegimen 4 emhana salynbaq. Olardyń qatarynda №9, 11, 12, 14 emhanalar jáne 400 oryndyq balalar men eresekterge arnalǵan reabılıtasııalyq ortalyq bar. Budan ózge qalalyq bosaný úıi aýmaǵynda qosymsha 200 orynǵa laıyqtalǵan bosaný úıiniń korpýsyn salý josparda tur.