EL MEN ELBASY ÚLESINE QURMET

Prezıdent poshtasynan Memleket basshysynyń atyna Soltústik Qazaqstan oblysynda turatyn soǵys jáne eńbek ardagerleri A.H.Rıjskıhten, J.Ǵ.Ysqaqovtan, D.S.Saparovtan, S.F.Bashkırovtan, S.M.Presnıakovtan, G.V.Kýhardan, A.Sh.Kákenovten, H.Júnisovten, A.S.Reshetnıaktan jedelhat kelip tústi, dep habarlady Qazaqstan Respýblıkasy Prezıdentiniń baspasóz qyzmeti. Ardagerler “Shyǵys-Batys” ınstıtýty ta­ǵaı­yndaǵan Beıbitshilik jáne aldyn alý dıplomatııasy syılyǵynyń Qazaqstan Pre­zıdentine tapsyryl­ǵa­ny týraly habardy zor qýanyshpen qabyldaǵan­daryn jazady. Jedelhatta bylaı de­lin­gen: “Biz ultaralyq ke­lisim men tózimdilikke ne­gizdelgen qazaqstandyq damý jolyn búkil álem moıyndap otyrǵanyn maq­tan etemiz. Bul Qazaq­stan halqynyń jáne onyń Prezıdentiniń beıbit­shi­lik­ti saqtaýǵa jáne ha­lyq­tar arasyndaǵy ózara tú­si­nistikti nyǵaıtýǵa qosqan úlesine aıryqsha qurmet belgisi. Bul sondaı-aq beı­bitshilik úshin kúresip jat­qandarǵa degen shynaıy rızashylyqtyń kórinisi. Siz, qurmetti Nursul­tan Ábishuly, biz úshin janqııar­lyqtyń jáne óz Otanyna degen súıispen­shi­liktiń ónegesi bolyp tabylasyz! Siz bizdiń kóshbas­shy­myzsyz – bolashaq urpaq­tarǵa ónegesiz! Bizdiń barlyq jetis­tik­terimiz Sizdiń esimińizben baılanysty. Ardagerlerdiń atynan Sizdi Syılyqtyń tapsy­ry­lýymen quttyqtaı oty­ryp, myqty densaýlyq, baqyt, Sizge jáne Sizdiń ot­basyńyzǵa baq-bereke jáne Qazaqstan halqynyń ıgiligi jolynda budan by­laı da tabystar tileımiz”.