Qazaqta burynnan: «Baı bolǵan baqyryp bola ma?» degen sóz bar. Al búgingi Aqtaýdaǵy bastyqtar sol baqyrýǵa balaǵatty qosyp jiberedi eken. Al ekeýi qosylyp kep ketkende, onyń aldynda otyrǵan qaraýyndaǵy jumysshylary ǵana emes, kári Kaspııdiń ózi titirkenip ketedi desedi. Mine, osylaısha ústerine áńgirtaıaq oınaı berýinen ábden zárezap bolǵan qaladaǵy sondaı mekemelerdiń biri – kommýnaldyq sharýashylyq bóliminiń qyzmetkerleri aqyry táýekelge baryp, bastyqtarynyń ústinen prokýratýraǵa shaǵynypty.
Qazaqta burynnan: «Baı bolǵan baqyryp bola ma?» degen sóz bar. Al búgingi Aqtaýdaǵy bastyqtar sol baqyrýǵa balaǵatty qosyp jiberedi eken. Al ekeýi qosylyp kep ketkende, onyń aldynda otyrǵan qaraýyndaǵy jumysshylary ǵana emes, kári Kaspııdiń ózi titirkenip ketedi desedi. Mine, osylaısha ústerine áńgirtaıaq oınaı berýinen ábden zárezap bolǵan qaladaǵy sondaı mekemelerdiń biri – kommýnaldyq sharýashylyq bóliminiń qyzmetkerleri aqyry táýekelge baryp, bastyqtarynyń ústinen prokýratýraǵa shaǵynypty.
«Aqtaýda kommýnaldyq sharýashylyq bóliminiń bastyǵy qaramaǵyndaǵylarǵa kún kórsetpeı, bas-kóz demeı balaǵattaıdy eken. Odan ábden mezi bolǵan qyzmetkerler aqyry prokýratýraǵa shaǵym túsiripti. Aıtýlarynsha, Saǵynǵalı Amangeldıev memlekettik qyzmetkerdiń ar-namysyn aıaqqa taptap, bólimdegilermen boqtap qana sóılesken», dep habarlady osyǵan oraı KTK arnasy.
Bir qyzyǵy, shiltireıgen sheneýniktiń shekten shyǵyp ketkenine prokýrorlardyń da kózderi birden jetipti. S.Amangeldıev prokýratýra qyzmetkerleri kelip otyrǵan kezde-aq qyzmetkerlerin bas salyp sybap alyp, uıaly telefonyn laqtyrǵan eken. Bólim jetekshisine keıin qatań sógis jarııalanady.
Alaıda, basý kórmegen baqyraýyq basshy eshqashan ádepten asqan emespin dep bet baqtyrmaı otyrǵan kórinedi.
Murat AITQOJA.