Qazaqstan Respýblıkasy Densaýlyq saqtaý mınıstrliginiń Ulttyq shuǵyl medısınany úılestirý ortalyǵy (UShMÚO) medısınalyq mekemelerdiń shalǵaı ornalasýy jaǵdaıynda halyqqa shuǵyl medısınalyq kómek kórsetý, sondaı-aq pasıentterdi shalǵaı aýdandardan respýblıkalyq jáne oblystyq klınıkalarǵa jyldam tasymaldaý úshin qurylǵan.
2020 jyly UShMÚO mamandary 2185 ushýdy oryndady, 3833 pasıentke, onyń ishinde: patologııasy bar balalarǵa 982 (26%), jaraqattary, jazataıym oqıǵalary jáne ýlanýlary bar pasıentterge 584 (15%), akýsherlik praktıkadaǵy shuǵyl jaǵdaılar boıynsha pasıentterge 571 (15%), qan aınalymy júıesi aýrýlary bar pasıentterge 493 (13%), jańa týǵan pasıentterge 392 (10%), basqa aýrýlary bar pasıentterge 811 (21%) medısınalyq kómek kórsetti.
2020 jyldyń qorytyndysy boıynsha 4637 medısınalyq qyzmet oryndaldy, onyń ishinde: medısınalyq uıymdarǵa 2450 (53%) pasıent tasymaldandy, 266 (6%) konsýltasııa, 165 (3%) operasııa júrgizildi, 1756 (38%) qashyqtyqtan medısınalyq qyzmet (QMQ) uıymdastyryldy. Donorlyq aǵzalardy alý jáne tasymaldaý úshin mamandardyń 2 ushýy oryndaldy.
Respýblıka shegindegi medısınalyq avıasııa reısterinen basqa, shetelde aýyr halde jatqan Qazaqstan Respýblıkasynyń azamattary men qandastardy halyqaralyq tasymaldaý júzege asyrylady. 2020 jyly medısınalyq avıasııa sheteldik klınıkalardan otandyq medısınalyq uıymdarda emdeýdi jalǵastyrý úshin Qazaqstan Respýblıkasynyń 13 azamatyn tasymaldady.
Máselen, 2020 jylǵy 25 jeltoqsanda Reseı Federasııasy Omby qalasynyń Oblystyq balalar klınıkalyq aýrýhanasynyń qarqyndy terapııa bólimshesinde aýyr halde jatqan 2020 jyly týǵan kishkentaı pasıentti Nur-Sultan qalasyna tasymaldaý úshin medısınalyq avıasııa jelisi boıynsha ushý júzege asyryldy. Balaǵa onyń qysqa merzimdi ómirinde birneshe operasııa jasaldy jáne ol Omby qalasynyń medısınalyq mekemesinde bolǵan kezde asqynýlar paıda bolyp, jaı-kúıi nasharlady. Balanyń ata-anasy Qazaqstan Respýblıkasy Densaýlyq saqtaý mınıstrligine júgingennen keıin Ulttyq shuǵyl medısınanyń úılestirý ortalyǵymen birlesip ushý uıymdastyryldy jáne pasıentti odan ári emdeý jáne ońaltý úshin Nur-Sultan qalasynyń Ana men bala ulttyq ǵylymı ortalyǵyna sátti tasymaldady.
Qazaqstan Respýblıkasynyń medısına qyzmetkerleriniń shuǵyl kómek kórsetýdiń halyqaralyq standarttary salasyndaǵy biliktiligin arttyrýǵa UShMÚO oqytý-trenıngtik ortalyǵy úlken úles qosýda. Sertıfıkattalǵan nusqaýshylar «BLS, ACLS, RNTLS, RLS» baǵdarlamasy boıynsha – 898 tyńdaýshyǵa, «Qaýipsiz júrgizý. Qıyn jaǵdaılarda qaýipsiz júrgizý» baǵdarlamasy boıynsha 443 tyńdaýshyǵa oqytý júrgizdi.
Emdeýge jatqyzýǵa deıingi kezeńde akýsherliktegi shuǵyl jaǵdaılar boıynsha – 63, ADS (jedel medısınalyq járdemdegi dıspetcherlik qyzmet) – 5, alǵashqy kómek (First aid) – 1, keshendi semınar-trenıng (BLS, ACLS, PHTLS, PALS) – 222, ushý fızıologııasy jáne pasıentterdi tasymaldaý – 84 sheberlik klastary ótkizildi.
Sondaı-aq, UShMÚO qurylymynda Ahýal ortalyǵy táýlik boıy belsendi jumys júrgizedi, onyń mamandary quramyna bilikti beıindi mamandar (reanımatologtar, akýsher-gınekologtar, ınfeksıonıster, pýlmonologtar, kardıologtar, nefrologtar jáne t. b.) kirgen saraptamalyq toppen birlesip, medısınalyq avıasııa jelisi boıynsha medısınalyq kómek kórsetý sapasyn jaqsartý boıynsha sharalar qabyldaý úshin turaqty negizde anestezıologııa reanımasııa jáne qarqyndy terapııa bólimshesinde jatqan aýyr haldegi pasıentter men pnevmonııanyń aýyr túrimen aýyratyn pasıentterge táýlik boıy monıtorıng jáne taldaý júrgizedi. Qurylǵan sátten bastap jáne 2020 jyldyń qorytyndysy boıynsha Ahýal ortalyǵy aýyr haldegi pasıentterge 33 040 qashyqtan medısınalyq qyzmet kórsetti.
Sonymen qatar, UShMÚO bazasynda Ahýal ortalyǵy janynan Qazaqstan Respýblıkasyndaǵy koronavırýstyq ınfeksııa boıynsha epıdemıologııalyq jaǵdaıdy monıtorıngileý jáne taldaý jónindegi jedel shtab quryldy, onyń jumysy táýlik boıy júrgiziledi.
UShMÚO 2020 jyly Densaýlyq saqtaý júıesindegi ulttyq sapa standarttarynyń talaptaryna sáıkes akkredıtteý rásiminen ótkenin aıta ketý kerek. UShMÚO syrtqy keshendi baǵalaý nátıjeleri boıynsha I biliktilik sanaty rastaldy.
Sondaı-aq bilim berý sapasyn qamtamasyz etý jónindegi táýelsiz agenttik (IQAA) bergen oqytý-trenıngtik ortalyǵynyń ınstıtýsıonaldyq akkredıtteý týraly kýáligi alyndy. О́tken akkredıtteý rásimderi UShMÚO-nyń belgilengen sapa standarttaryna sáıkestigin rastaıdy, pasıentterdiń joǵary sapa men qaýipsizdik qyzmetterin alý quqyǵyn iske asyrady, sondaı-aq halyqtyń joǵary senimin qamtamasyz etýge múmkindik beredi.