Máskeýde Qazaqstan Respýblıkasy men Reseı Federasııasy qorǵanys mınıstrleriniń kezdesýi ótti. Kezdesý barysynda Ádilbek Jaqsybekov pen Sergeı Shoıgý ekijaqty áskerı-tehnıkalyq yntymaqtastyq jáne eki el qorǵanys-ónerkásip keshenderi arasyndaǵy ózara is-qımyldyń ózekti máselelerin talqylady.
Máskeýde Qazaqstan Respýblıkasy men Reseı Federasııasy qorǵanys mınıstrleriniń kezdesýi ótti. Kezdesý barysynda Ádilbek Jaqsybekov pen Sergeı Shoıgý ekijaqty áskerı-tehnıkalyq yntymaqtastyq jáne eki el qorǵanys-ónerkásip keshenderi arasyndaǵy ózara is-qımyldyń ózekti máselelerin talqylady.
Eki el qorǵanys vedomstvolarynyń basshylary 2013 jylǵy birlesken jumystardy qorytyndylaı kele, Qazaqstan men Reseı arasynda qorǵanys jáne qaýipsizdik salasynda tolyq ózara túsinistikke qol jetkizilgenin atap ótti. Eki el arasyndaǵy qarý-jaraq salasyndaǵy taýar aınalymy alǵash ret eń joǵary deńgeıge, ıaǵnı 140 mln. AQSh dollaryna jetip otyr.
Bıylǵy jylǵy qyzmettiń nátıjesi retinde Qazaqstan Respýblıkasy men Reseı Federasııasy arasynda áskerı-tehnıkalyq yntymaqtastyq týraly kelisimge qol qoıylǵanyn, eki el áýe shabýylyna qarsy qorǵanys áskerleriniń birikken aımaqtyq júıesin odan ári damytý týraly sheshimniń qabyldanýyn, sondaı-aq, Qazaqstannyń synaq polıgondaryn Reseı jaǵyna jalǵa berý, Reseı shyǵarǵan áskerı tehnıkalardy satyp alýdy atap ótýge bolady.
Qorǵanys mınıstrleriniń málimdeýinshe, kezdesýde kelisimderdi iske asyrý Qazaqstan men Reseıdiń ulttyq qarýly kúshterin nyǵaıtýǵa qyzmet etedi, dep habarlady Qazaqstan Qorǵanys mınıstrliginiń baspasóz qyzmeti.