Atyraý qalasynyń ákimi Qaırat Orazbaevtyń málimetinshe, bıyl munaıly shaharda sporttyq nysandardyń qatary kóbeıgeli otyr.
Ákimniń aıtýyna qaraǵanda, byltyr oblys ortalyǵynda 17 sporttyq nysan qala jurtshylyǵynyń ıgiligine berildi. Onyń ishinde 5 fýtbol, 2 basketbol, balalar úshin 6 oıyn alańy men 4 vorkaýt bar.
«Bıyl Atyraý qalasynyń mańyndaǵy Tomarly eldi mekeni men Geolog shaǵyn aýdanynda sport kesheniniń qurylysyn salý úshin jobalyq-smetalyq qujattama jasaqtalyp jatyr. Sondaı-aq, qaladaǵy 25 mektepke arnalǵan sport alańyn, aýlaishilik 23 sporttyq nysan, onyń ishinde 1 fýtbol, 2 basketbol alańyn jańǵyrtý, 6 vorkaýt, balalarǵa arnalǵan 14 oıyn alańyn salý kózdelip otyr» dedi Qaırat Orazbaev.