Qazaqstan Respýblıkasynyń Táýelsizdigine oraı el prezıdenti Qasym-Jomart Toqaevtyń «Táýelsizdik bárinen qymbat» maqalasy jarııalanǵan bolatyn. Qyzylorda oblystyq zaǵıp jáne nashar kóretin azamattarǵa arnalǵan arnaýly kitaphanasynyń kitaphanashysy, I top kóz múgedegi Aqmaral Núrlıeva zaǵıp jandar úshin osy maqalany braıl qarpinde jazyp shyqty. Ol ózi sekildi múmkindigi shekteýli jandardyń suranysy sáıkes osy eńbekti jasaǵanyn aıtady, dep habarlaıdy Egemen.kz Qyzylorda oblysy ákiminiń baspasóz qyzmetine silteme jasap.
- Múmkindigi shekteýli jandar da el jańalyqtarynan, memlekettiń saıasatynan habardar bolǵysy keledi. Olar da óz hálderinshe Táýelsiz memleketimizdiń damýyna úlesterin qospaq nıette. Sol maqsatta maǵan Prezıdent maqalasyn oqý úshin braıl qarpinde jazýymdy ótindi. Men bul usynysty qýana qabyldadym, - dedi Aqmaral Núrlıeva.
Sondaı-aq arnaýly kitaphana janyndaǵy dybys jazý stýdııasy maqalanyń dybystandyrylǵan nusqasyn daıyndap, tyńdarmandaryna usyndy. Oqyrmandar kitaphana qory qundy dúnıelermen tolyqqanyna qýanyshty.