*Sırııanyń Aleppo qalasynda toǵyz kúnde bombalaý saldarynan 330-dan astam adam opat bolǵan. Olardyń 99-y balalar bolsa, 30 shaqtysy áıelder jáne 30 shaqtysy búlikshiler kórinedi. Sırııa prezıdenti Bashar Asadtyń áskerleri oppozısııa basyp alǵan Aleppo qalasyn 15 jeltoqsannan beri bombalaý ústinde. Bul málimetterdi «Frans-press» agenttigi taratty.
*Sırııanyń Aleppo qalasynda toǵyz kúnde bombalaý saldarynan 330-dan astam adam opat bolǵan. Olardyń 99-y balalar bolsa, 30 shaqtysy áıelder jáne 30 shaqtysy búlikshiler kórinedi. Sırııa prezıdenti Bashar Asadtyń áskerleri oppozısııa basyp alǵan Aleppo qalasyn 15 jeltoqsannan beri bombalaý ústinde. Bul málimetterdi «Frans-press» agenttigi taratty.
*Burnaǵy kúni 95 jasqa qaraǵan shaǵynda ataqty AK-47 avtomatyn jasap shyǵarǵan Mıhaıl Kalashnıkov ómirden ozdy. Ony jerleý rásimi 26 jeltoqsan kúni Ijevsk qalasynda ótedi. Bul týraly Ýdmýrtııa prezıdenti Vıktor Chýlkovtyń baspasóz hatshysy habarlady. 1947 jyldan beri álemde AK avtomatynyń túrli modıfıkasııadaǵy 70 mıllıonnan astam danasy shyǵarylypty.
*Amerıkalyq Edvard Snoýden óziniń aldyna qoıǵan mıssııasy oryndaldy dep esepteıdi. AQSh-tyń arnaıy qyzmetteriniń jaǵymsyz is-áreketin jarııa etken burynǵy barlaý basqarmasynyń qyzmetkeri bul týraly «Vashıngton post» gazetine bergen suhbatynda málimdegen. Onyń aıtqandary AQSh-ta ǵana emes, shetelderde de úlken rezonans týǵyzǵan bolatyn.
*Reseıdiń strategııalyq baǵyttaǵy zymyran áskerleri «Plesesk» kosmodromynda RS-24 «Iаrs» dep atalatyn qurlyqaralyq ballıstıkalyq zymyrandy synaqtan ótkizdi. Úsh satyly atalǵan zymyran «Topol-M» zymyranynyń bazasynda jasalypty. «Iаrs» 11 myń shaqyrym qashyqtyqtaǵy nysanany joıýǵa qabiletti kórinedi. Onyń basqa múmkindikteri qupııada ustalýda.
*Mysyr úkimetiniń basshysy Hazem ál-Beblavı «Musylman-baýyrlar» qozǵalysyn terrorlyq uıym dep jarııalady. Ol bul málimdemesin Mansýra qalasynda atalǵan qozǵalys júzege asyrǵan lańkestik áreketten soń ile-shala jasady. Lańkestikten 14 adam qaza tapsa, 100-den astamy jaralanǵan bolatyn. Al lańkestikke jaýapkershilikti ázirshe eldegi eshbir ekstremıstik uıym moınyna alǵan joq.
*Ulybrıtanııada qatty daýyldan kem degende 3 adam qaza tapqan. Bireýi jeldiń ekpinine shydamaı ózenge qulap mert bolsa, bireýi tosyn tabıǵat týyndatqan jol apatynan kóz jumǵan. Al sońǵysynyń qaza bolý sebebi naqty aıtylmaıdy. Rojdestvo qarsańynda úılerine asyqqandar áýejaılarda qamalyp otyr. Mundaı tosyn jaǵdaı Fransııa jaǵalaýlarynda da oryn alýda.
*Ońtústik Sýdan prezıdenti Salva Kaıranyń málimdeýinshe, elde burynǵy vıse-prezıdent Rıek Machardyń jaqtastary áskerı tóńkeris uıymdastyrýǵa árekettenip jatyr. Osy oraıdaǵy qaqtyǵystar elde 16 jeltoqsanda bastalǵan edi. Búginde 45 myń turǵyn bosqynǵa aınalǵan. Qazirgi kezde Ońtústik Sýdanda BUU-nyń 7 myńdaı bitimgershileri ornalassa, bas Uıym sheshimimen jaqynda taǵy 5,5 myń bitimgershi jiberilmek bolyp otyr.
*Ýkraına prezıdenti Vıktor Iаnýkovıch 21 qarashada Kıevte ustalǵan narazylyq aksııasyna qatysýshylardyń bárin qylmystyq jáne ákimshilik jaýapkershilikten bosatatyn zańǵa qol qoıdy. Narazylyq aksııalary Kıevte kúni búginge deıin jalǵasyp jatyr. Biraq onyń aýqymy aıtarlyqtaı tarylǵan. Qazirgi kezde kóshege shyqqan kópshilik jańa jyl meıramyn qarsy alý qamymen júrgenge uqsaıdy.
Aqparat agenttikteri materıaldary negizinde ázirlendi.