Qazaq ǵalymdarynyń jetistikterin ózge memleketterdiń oqymystylary baǵalap qana qoımaı, mártebeli syılyqtaryn berip jatady. Sonyń biri – dúnıe júzindegi 50-den astam memlekettiń ókili qatysyp sheshetin “Kásibim – ómirim” atty syılyq E.Bóketov atyndaǵy QarMÝ-diń zoologııa kafedrasynyń meńgerýshisi, bıologııa ǵylymdarynyń doktory, professor Nurken Myrzahmetulyna berildi.
Onynshy márte atanyp otyrǵan syılyqqa bıyl álemniń 374 oqymystysy usynylypty. Solardyń ishinen sanaýlysy ǵana máre syzyǵynan kórinipti. Qazaq ǵalymy medısına jáne bıologııa salalary boıynsha uzaq jyldan beri zerttegen eńbekteriniń nátıjesi boıynsha qol jetkizipti. Syılyqty tapsyrý rásimi taıaýda Máskeý qalasynda ótti. Halyqaralyq syılyqty enshilegen professor bul maǵan ǵana kórsetilgen qurmet emes, qazaq ǵylymynyń jetistigi dep bilemin, deıdi.
Súleımen MÁMET.