Túrkistan oblysynda 1-11 aqpan aralyǵynda 970 medısına qyzmetkeri COVID-19-ǵa qarsy ekpe saldyrdy. О́ńirge Qaraǵandydan ákelingen vaksınanyń 1300 dozasy barlyq aýdanǵa taratylǵan bolatyn. Qoǵamdyq densaýlyq saqtaý basqarmasynyń basshysy Marat Pashımovtiń málimdeýinshe, jyldyń sońyna deıin vaksınanyń taǵy 937 myń dozasyn alý kózdelgen. Osylaısha, bıyl oblystyń 45-50% halqyn qamtý, ıaǵnı 950 myń turǵynǵa vaksına egý josparlanǵan.
О́ńirde koronavırýs indetine qarsy ekpe salý jumystary 20 emhanada júrgizilýde. Vaksınalarǵa arnalǵan muzdatqysh kameralary jetkilikti. Búginde vaksına egilgen azamattardyń densaýlyǵy jaqsy. Ekpeden keıin aýrýhanaǵa túsken jaǵdaılar tirkelmegen. Pandemııa bastalǵaly beri óńirde indet juqtyrýdyń 4 176 jaǵdaıy tirkelse, onyń 2 682-si sımptomsyz, 1 671-i stasıonarlyq em qabyldady. Búginde 103 adam ınfeksııalyq jáne karantındik jaǵdaıda emdelýde. О́tken táýlik ishinde oblys boıynsha koronavırýs ınfeksııasyn juqtyrýdyń 12 jaǵdaıy rastaldy. COVID-19 ınfeksııasynyń kúndelikti ósý deńgeıi 0,28% tóńireginde. Aıta keteıik, «jasyl aımaqtaǵy» oblys aýmaǵynda 610 ınfeksııalyq jáne 340 karantındik oryn daıyn. Vırýstyń órshýi oryn alǵan jaǵdaıda, onyń sanyn 6 myńǵa deıin kóbeıtýge múmkindik bar.
Epıdemııalyq ahýaldy baǵalaý kórsetkishi boıynsha «jasyl aımaqta» turǵan oblysta mamandar Men jaýapty mekemeler tarapynan osy túste qalýdyń barlyq amaly jasalýda. Árıne, «jasylda» qalý úshin jurt bolyp karantın talaptaryn saqtaý qajet. Alaıda aýyldarda «bata kókpar» uıymdastyryp, qudalyq ótkizý tyıylmaı tur. Meıramhanalardyń esigi jabyq bolǵanymen, búginde «qyz uzatý», «betashar» syndy toılar «úıishilik» jáne «aýlalyq» deńgeıge kóshken. Qazirgi tańda oblys boıynsha 104 mobıldi monıtorıngtik top jumys isteýde. Mobıldi top quramymen jumys isteýine ruqsat etilgen 13 812 nysannyń 998-inde karantın talaptaryn buzýshylyq anyqtalyp, hattama toltyrylǵan. Onyń ishinde, 969 jeke tulǵaǵa – 30 AEK, 3 laýazymdy tulǵa men 25 jeke kásipkerge – 230 AEK, 1 zańdy tulǵaǵa 1600 AEK mólsherinde aıyppul salyndy.
Túrkistan oblysy sanıtarııalyq-epıdemıologııalyq baqylaý departamentiniń basshysy Nurbek Nyshanovtyń málimdeýinshe, aýrýshańdyq ótken qarasha, jeltoqsan jáne qańtar aılarynda tıisinshe 65, 192 jáne 427 jaǵdaıdan tirkelip, ósý úrdisi baıqalǵanymen, sońǵy 2 apta kóleminde epıdemııalyq jaǵdaı edáýir turaqtalǵan. Indettiń tirkelýi salystyrmaly túrde 28 paıyzǵa tómendedi. «Epıdemııalyq kórsetkishter boıynsha tapsyrǵan synamalar ishinde 279 naýqastan COVID anyqtalǵan. Onyń ishinde JRVI/pnevmonııa dıagnozdarymen 76 naýqastan jáne 201 jaǵdaı ózara qatynasta bolǵandar arasynan anyqtalyp otyr. Profılaktıkalyq maqsatta tapsyrǵandar ishinde 240 naýqas anyqtaldy, olar: memlekettik shekaradaǵy keden beketterinen ótý kezinde – 7, vahtalyq jumysshylar arasynan – 167, áskerge shaqyrtylǵandar – 3, josparly jáne shuǵyl jatqyzý kezinde – 44, júkti áıelder arasynan – 11, aqyly túrde tekserilgender arasynan 5 jaǵdaı anyqtalǵan», deıdi N.Nyshanov.
Oblys turǵyndaryn PTR ádisimen tekserý maqsatynda 9 memlekettik zerthana jumys isteýde. Búginge deıin polımerazdy tizbekti reaksııasy ádisimen 469 426 adam tekserýden ótkizildi, vırýs anyqtalǵany – 4 196. Mamandar barlyq jaǵdaı veb-qosymshaǵa engizilip, baqylaýǵa alynǵanyn aıtady. Epıdemııalyq ahýaldyń turaqty bolýy árbir azamattyń karantındik talapty saqtaýyna baılanysty ekenin jurt jaqsy biledi. Bul oraıda tıisti mekemeler de «qudaı saqtasyn» dep beıǵam júretin jurtqa jıi eskertý jasap, talapty buzǵandaryna tıisti shara qoldanýda. Iаǵnı «jasylda» qalýdyń joly jalǵyz – barlyq karantın talaptaryn saqtap, vaksına saldyrý ekeni aıtylýda.
Túrkistan oblysy