Qorǵanys mınıstrliginiń bitimgershilik daıarlyq ortalyǵynda Kanadanyń áskerı attashesimen kezdesý ótti, onda BUU-nyń bitimgershilik mıssııalaryna qatysatyn áskerı qyzmetshi áıelderdiń róline qatysty máseleler talqylandy.
Bitimger áıelderdi qoldaý naýqany BUU-nyń Qaýipsizdik keńesi Qararlarynyń 20 jyldyǵyna oraı búkil álem boıynsha dıplomatııalyq mıssııalar jelisi arqyly ótkiziledi. Atalǵan naýqan 8 naýryz Halyqaralyq áıelder kúni bastaý alady.
Kezdesýde Qazaqstandyq bitimger áıelderdiń beıbitshilikti qoldaýǵa qosqan úlesin moıyndaý múmkindigi qarastyryldy.
Áskerı qyzmetshi áıelder erekshe gýmanıtarlyq mıssııany oryndaıdy. Olar qarýly qaqtyǵystar qurbandarynyń eń osal sanattarymen jumys isteıtin «Female engagement team» arnaıy toptaryna kiredi, – dep atap ótti bitimgershilik daıarlyq ortalyǵy basqarmasynyń bastyǵy polkovnık Dılıa Ahmetova.
Osy BUU-nyń Qaýipsizdik Keńesiniń Qararlary, sondaı-aq Beıbitshilikti qoldaý jónindegi operasııalarǵa qatysty birlesken mindettemeler týraly deklarasııa operasııalaryn júrgizý kezinde, onyń ishinde áskerı jáne polısııa bitimgerlik qyzmetkerleri quramynda áıelderdiń qatysýyn keńeıtýge baǵyttalǵan.
Esterińizge sala ketsek, Qazaqstan Qarýly Kúshterinen shtab ofıserleri men áskerı baqylaýshylar retinde tórt áıel Batys Sahara men Lıvandaǵy BUU-nyń mıssııalaryna qatysty.