Kitap oqýdy qoldaý jyly

Osy oraıda Ortalyq kommýnıkasııalar qyzmetinde «2021 jyly – Qazaqstandaǵy balalar men jasóspirimderdiń kitap oqýyn qoldaý jyly» aıasynda arnaıy brıfıng ótti.

Jıynǵa Mádenıet jáne sport vıse-mınıstri Nurǵısa Dáýeshev, aqyn, Qazaqstan Jazýshylar oda­ǵynyń Basqarma tóraǵasy Ulyqbek Esdáýlet, jazýshy Baıan­ǵalı Álim­janov, Ulttyq akade­mııalyq ki­tap­hananyń basshysy Úmithan Muńalbaeva, Atyraý oblys­tyq ǵylymı-ámbebap kitap­hana­synyń dırektory Sara Izmuhametova qatysty.

Aıta keteıik, ataýly jyldyń negiz­gi maqsaty – balalar men jas­­ós­pirim­derdiń arasynda kitap oqý mádenıeti men kitap oqý bel­sendiligin arttyrý, kitap oqý már­tebesin kóterý jáne otba­sylyq ki­tap oqý dástúrlerin qoldaý bolyp otyr. Shara aıasynda túrli jobalar men mádenı is-sharalar, halyqaralyq forýmdar, úıirmeler, sholý men taqyryptyq ekskýrsııa­lar, baıqaýlar men kezdesýler, keshter, chellendjder júzege asyrylyp, áleýmettik jeliler men BAQ-ta keńinen nasıhattalatyn bolady.

Brıfıngte alǵash bolyp­ sóz alǵan Mádenıet jáne sport vıse-mınıstri Nurǵısa Dáýeshev: «Bıyl alýan túrli mádenı-ta­nym­­dyq, oqytý sharalaryn ótki­zý josparlanǵan. Sonyń ishin­de, kitaphanalar júıesi men qyz­­metiniń zamanaýı úlgilerin uıym­dastyrý isi jolǵa qoıylýda. «Balalar men jasóspirimderdiń kitap oqýyn qoldaý jyly» aıasynda ótetin is-sharalarmen respýblıkanyń barlyq aımaqtary qamtylady. Oqyrmandardyń kitap oqýyna barynsha jaǵdaı jasalady», dedi.

Osy jyldyń Balalar men jasóspi­rim­derdiń kitap oqý jyly dep ja­­rııalanǵanyn qoldaıtynyn jet­kizgen Qazaqstan Jazýshylar oda­ǵynyń tóraǵasy Ulyqbek Esdáýlet: «Otandyq balalar áde­bıetin qazaq tilinde jazatyn jas jazýshylardy memlekettik deń­geıde qoldaý qajet. Qazir bala­lardyń kópshiligi kompıýter­lik oıyndardy jaqsy kóredi. Eger biz balalarǵa qajetti jumysty usyna almasaq, olar bul bos oryndy basqa nársemen tol­tyrady. Al bolashaqta bul balalar bizdiń eli­miz­di basqaratyn bolady», dep túıindedi.

Balalardy kórkemsóz arqyly oılaýǵa, oınap júrip oılaýǵa úı­retý qajettigin alǵa tartqan balalar jazýshysy Baıanǵalı Álim­janov qazaq balalar ádebıe­tiniń baı ekenine toqtaldy. «Aýyldaǵy ba­lalar kitapqa zárý. Al kitap satyp alýǵa jaǵdaıy joq.Sol sebepti balalardyń taqyryptyq antologııasyn shyǵarýdy usyna­myn. «Otan», «Týǵan jer», «Til» taqy­ryptary boıynsha shyǵaryl­ǵan antologııany saıttarǵa ornalastyrsa, muǵalim de, balabaqsha tárbıeshileri de paıdalanatyn bolady. Bul taptyrmas qajetti quralǵa aınalady. Jáne balaǵa túsinikti óleńdi jetkizýge múmkin­dik beredi», dedi ol.

Aıta keteıik, Qazaqstandaǵy balalar men jasóspirimderdiń kitap oqýyn qoldaý jyly Kitap­hanalar qaýymdastyǵy men birles­tikteriniń halyqaralyq fede­ra­sııasynyń (IFLA) prezı­denti Krıstına Makkenzı, sondaı-aq Qazaqstannyń ǵylymı jáne shyǵarmashylyq ıntellıgensııa ókilderi men oqyrmandar qoǵam­dastyǵy tarapynan qoldaý tapty.