1 naýryzdan bastap «TRANSCARD» jeńildigi bar jáne mektep kólik kartalaryn qaıta shyǵarý baǵasy 1000 teńge bolady. Kartalardyń alǵashqy shyǵarylymynyń baǵasy burynǵy qalpynda – 500 teńge, dep habarlaıdy Egemen.kz.
Bul shara valıýta baǵamy men jetkizýshilerden satyp alý baǵasynyń kóterilýine, kólik kartalaryn jasaýǵa arnalǵan operasııalyq jáne shyǵyndardyń ósýine baılanysty qabyldandy. Atap aıtqanda, ornatylǵan NXP chıpi bar Mifare Plus EV1 standartyndaǵy baılanyssyz mıkroprosessorlyq smart-kartalardyń baǵasy artty. Sondaı-aq, apparattyq-baǵdarlamalyq keshenge qyzmet kórsetýdiń quny joǵarlady.
Sondyqtan qazirgi ýaqytta barlyq shyǵyndardyń ósýin jáne paıdany eseptemegende, kólik kartasyn shyǵarý shamamen 1000 teńgeni quraıdy.
Jalpy alǵanda 2021 jyldyń basynan bastap 8 416 jeńildigi bar jáne mektep kólik kartalary satyp alyndy. О́tken jyly bul kórsetkish 59 732 qurady. Al 2019 jyly 88 108 karta satyp alynǵan bolatyn.
Sondaı-aq, jol aqysyn tóleýdiń elektrondyq júıesiniń málimeti boıynsha, osy aıda jolaýshylar legi kúnine 489 myńdy qurady. Olardyń ishinde orta eseppen kúnine 40 myń mektep valıdasııasy jasaldy. Al jeńildigi bar kólik kartalary boıynsha valıdasııalar – 85 myń.