Nur-Sultan qalasynyń Dostyq úıinde Qazaqstan halqy Assambleıasy, Qazaqstan Respýblıkasy Aqparat jáne qoǵamdyq damý mınıstrligi ózbek etnomádenı birlestikterimen birlesip, Halyqaralyq ana tili kúnine jáne uly aqyn jáne oıshyl Álisher Naýaıdiń 580 jyldyǵyna arnalǵan halyqaralyq rýhanı kesh ótkizdi, dep habarlaıdy Egemen.kz.
Is-sharaǵa Qazaqstan halqy Assambleıasynyń ókilderi, Parlament Májilisiniń depýtattary, Qazaqstandaǵy О́zbekstan Respýblıkasynyń elshisi, qoǵam qaıratkerleri, ǵalymdar men aqyndar, etnomádenı birlestikterdiń basshylary, JOO stýdentteri jáne basqa da qonaqtar qatysty.
Rýhanı kesh barysynda qatysýshylar tilderdi jáne mádenıetti damytý, ádebıetke degen qyzyǵýshylyqty qalyptastyrý, sondaı-aq túrkitildes aqyndar men oıshyldardyń ádebı murasyn nasıhattaý máselelerin qozǵady.
Is-shara sońynda Nur-Sultan qalasynyń О́zbek etnomádenı ortalyǵynyń uıymdastyrýymen «Naýaı – Shyǵys juldyzy» chellendjine qatysýshylardy onlaın-marapattaý rásimi ótti.
Esterińizge sala keteıik, Halyqaralyq Ana tili kúni 1999 jyldyń qarashasynda IýNESKO-nyń Bas konferensııasynda jarııalandy jáne 2000 jyldyń aqpanynan bastap jyl saıyn tildik jáne mádenı ártúrlilik pen kóptildilikti nasıhattaý maqsatynda atalyp keledi.