Jylyoı aýdanynda polısııa bóliminiń qyzmetkerleri esirtkini zańsyz satý deregin anyqtady.
«Jaqynda Jylyoı aýdanynyń polıseılerine er adamnyń esirtkini paıdalanyp, ony taratatyny týraly jedel aqparat tústi. Tártip saqshylary «Dármek» jedel is-sharasyn júrgizip, 1977 jyly týǵan azamatty úıinen ustady», dep habarlady oblystyq polısııa departamentiniń baspasóz qyzmetinen.
Qazir ustalǵan adamǵa qatysty Qylmystyq Kodekstiń 297-baby, 1-bóligimen (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) sotqa deıingi tergeý bastaldy.