Nur-Sultan qalasy Jastar saıasaty máseleleri basqarmasynyń bastamasymen el Táýelsizdiginiń 30 jyldyq mereıtoıy aıasynda «Táýelsizdiktiń tól qurdastary» jobasy bastaldy.
Táýelsizdik qurdastary jyl boıy jetim balalarǵa tálimger retinde kómektesip, elordaǵa 30 myń túp aǵash otyrǵyzýmen, múmkindigi shekteýli balalarǵa trenıng pen tanymdyq ekskýrsııa uıymdastyrýmen jáne basqa da 30 túrli qaıyrymdylyq sharalarmen aınalysady.
Sol qaıyrymdylyq sharasynyń biri – «Qaıyrymdy ister marafony» aksııasy. «Táýelsizdiktiń tól qurdastary» jobasy aıasynda Saryarqa aýdany boıynsha az qamtylǵan otbasylarǵa, jalǵyzbasty qarttarǵa azyq-túlik sebetteri tara-tyldy.
Sebetter eń qajet azyq-túlikke toly. Muqtaj jandar un, kúrish, kartop, pııaz, maı, shaı jáne basqa da zattar aldy. Aksııa aıasynda jyl boıy 300-ge jýyq otbasyny qamtý josparlanǵan.
Jobanyń negizgi maqsaty – jastardyń basyn bir ortaǵa toptastyrý, ortaq jobalarǵa jumyldyrý, Táýelsizdikpen qurdas, bıik belesterdi baǵyndyryp, jetistikke jetken azamattardy kópshilikke tanytý.