Qazaqstannyń depozıtterge kepildik berý qory (QDKBQ) teńgelik depozıtter boıynsha 2021 jyldyń sáýir aıyna usynylatyn eń joǵary syıaqy mólsherlemelerin bekitkendigin habarlaıdy.
Eń tabysty salym – ádettegideı tolyqtyrý quqyǵy joq, merzimi 12 aılyq jınaq depozıtter – 14%. Eske salamyz, teńgelik jınaq depozıtter boıynsha joǵary mólsherlemelermen qatar kóterińki kepildik somasy da qarastyrylǵan – 15 mln teńge.
2021 jyldyń aqpanynda Qazaqstannyń Ulttyq Bankiniń bazalyq mólsherlemesiniń deńgeıi qaıta qaralmaǵandyqtan, qysqa merzimdi depozıtter boıynsha maksımaldy mólsherlemeler burynǵy deńgeıinde qaldy. Eske salamyz, olardyń deńgeıi osy bazalyq mólsherlemege táýeldi.
Merzimdi depozıtterdiń naryqtyq mólsherlemelerge táýeldi mólsherlemeleri de ózgerissiz qaldy. О́ıtkeni júıelik deńgeıde tıisti ónimder boıynsha bankter usynatyn mólsherlemelerge qatysty qandaı da bir aıqyn úrdis baıqalǵan joq.
Naryqta 24 aıǵa ashylatyn jınaq salymdar boıynsha naryqtyq mólsherlemelerdiń tómendeý úrdisine baılanysty olar boıynsha mólsherlemeler azdap tómendedi.