Aýyl oqýshylaryna arnalǵan olımpıada

Olımpıada jeńimpazdary daryndy balalarǵa arnalǵan mamandandyrylǵan mektepterde jáne Elbasy akademııasynyń Virge oqý onlaın-mektebinde bilimin jalǵas­tyrýǵa múmkindik alady. Olımpıa­daǵa aýyldyq mektepterde sońǵy eki oqý jylynda bilim alyp jatqan 5 jáne 6-synyp oqýshylary qatysady.

«Túrli olımpıadalardy ótkizý tájirı­besi aýyl balalarynyń az qatysaty­nyn kórsetedi. Statıstıka boıynsha, oblystyq jáne respýblıkalyq olımpıadalarǵa aýyl­dyq mektep oqýshylarynyń 13-14%-y qaty­sady, bul olardyń daıyndyq deńgeıine jáne olımpıada ótkiziletin oryndardan al­shaq­tyǵyna baılanysty. Osyǵan baıla­nysty Nursultan Nazarbaev qory aýyl oqý­shy­laryn ǵana qamtıtyn «Myń bala» ult­tyq olımpıadasyn ótkizedi», dep habarlady «Elbasy akademııasy» korporatıvtik qory­nyń basqarýshy dırektory Ánýar Janǵozın.

«Myń bala» olımpıadasy eki kezeńnen turady. Birinshi kezeń logıkalyq jáne keńistik­tik oılaýdy baǵalaýdy qamtıdy. Testi­leý onlaın formatta ótedi. О́ńirler bo­ıynsha eń joǵary qorytyndy ball jınaǵan 5 myń oqýshy olımpıadanyń ekin­shi kezeńine joldama alady.

Ekinshi kezeńde qatysýshylar matema­tıka­lyq saýattylyq, qazaq tilinde bilim alatyn oqýshylar qazaq tili, orys tilinde bilim alatyn oqýshylar orys tili, aǵylshyn tili jáne jaratylystaný pánderi boıynsha akademııalyq bilimdi baǵalaý úshin kompıýterlik testileýden ótedi. Ekinshi kezeń óńirlik testileý ortalyqtary bazasynda uıymdastyrylady.

Olımpıadaǵa tirkelýdi 1000bala.elbasyacademy.kz saıtynda júrgizýge bolady. Olımpıada jeńimpazdary elimizdiń daryn­dy balalarǵa arnalǵan jetekshi mektep­terinde – «Bilim-Innovasııa» lıseı­lerin­de, Respýb­lıkalyq fızıka-matematıka mektep­terinde jáne «Daryn» mamandandyrylǵan mektepterinde oqýǵa múmkindik alady. Olımpıadanyń 5 myń fınalısi Elbasy akademııasynyń «Virge oqý» onlaın-mektebinde tegin oqı alady.

2020 jyly «Myń bala» olımpıadasyna 295 myń oqýshy qatysty. Olımpıada Qazaqstan Respýblıkasynyń Tuńǵysh Prezı­denti – Elbasynyń  El Úmiti – talantty jas­tardy anyqtaý jáne qoldaý bastamasy aıasynda ótkiziledi. Olımpıadany Elbasy akademııasy Bilim jáne ǵylym mınıstrligimen birlesip uıymdastyrady.